ممكن المساعده لفكره لهدايا التوزيع...

حليلي حد يرد علي ؟؟؟

ايش نوع المناسبة؟؟؟

شوفي اختي ممكن تجيبي حصالة لكل واحد وتعبيها حلويات وتغلفيها بشكل حلو وتكلميهم انهم يجمعوا من مصروفهم

او ممكن تاخذي اكواب وتعبيها حلويات وقولي لهم كل يوم الصباح اشربوا في الكأس حليب


او ممكن تاخذي قبعة المهرج وتقلبيها وتعبي فيها الحلويات وبعدين غلفيها بورق سولوفان حلو

واتمني اكون افدتك.. وانتي حددي نوع المناسبة والميزانية وعمر الاطفال واحنا نساعدك

tvhs123 مشكوره اختي الحمدلله انا فيه حد رد علي ...
بس انا ابي هدايا توزيع لطلوع ولدي من الاربعين .
ممكن تساعديني
ومشكوره اختي مره 2

ابشري ياقلبي
شوفي فيه هدايا سويتها الله يكتب لي الاجر فيها يارب ..
دخت افكر وش اسوي هدايا ولفيت كل مكان ... وبعدين اقتنعت بشغله مافي هديه احلا ولا اغلى من كتاب ربي ..
المهم زوجي عيا عن المصحف الي شفته يقول ان المصحف للقراءة وماهو للزينه ... ودورت مصاحف ولقيت شي يجي على قد الكف او اصغر نتفه ومغلف مخمل وجوا علبه مخمل ويجي منه الوان .... اخذت منه ورحت سويت حركه ...اذا فتحوا علبة المصحف يكون فيه دعاء مكتوب على خلفية نقوش اسلاميه وهو
(( اللهم حرم وجهي عن النار ووالدي ووالديهم .. وارزقنا الدرجات العلى من الجنه ومن اهديته كتابك ......
واجعلني عبداً صالحاً تقياً باراً ,,,,,
ابنكم......نواف ال........ ))
المهم الناس
قرايبنا البعيدين والقراب انجنوا عليه .... ويكفيني ان الناس كلما فتحته تدعيلي انا ووليدي ...
وكنت
مخليته للرجال والحريم الكبار...
والبنوتات لهم مرايه يد فضيه مشغوله وخلفيتها صورة عيالي ومكتوب حياك الله يا نواف ... وبعلبه مع كم حبة ملبس وكم حبة شوكليت مزينه ... والهدايا كلها بسرير زي حق الاطفال خشب ومشغول ...

وتصدقين ما شاء الله المصاحف كنت زايده بكثير ومع ذلك خلصت وصلحت وانا في الاربعين ...


معليش انا ترى معروفه بكثره الهذره ههههههههههههههه
واي خدمه آمري

اوووووووووووووف فكرتك روعة