ممكن الموضوع تافه بس ضايقني ..

 السلام عليكم ..
يمكن تكون السالفه تافهه بس والله اني من امس  متضايقه بسببها ..امس طلعنا البر مع اهل زوجي لما وصلنا حطينا قشنا و جلسنا و  رجعت انا وثنتين من خواته ركبنا السياره عشان نفطر وطولنا جلسه بالسياره جاء زوجي طل علينا قال عطوني جوالي .. بعد ماراح .. قالت اخت زوجي يوووو فاتنا جواله ياجوجو ..انا استغربت قلت ليه وش تبين فيه ؟؟ ماردت وصرفت السالفه المهم انا جلست افكر ليه قالت كذا  تذكرت سالفه صارت  قبل شهرين  تقريبا كنت عند اهل زوجي وفتحنا موضوع مع خالتي (ام زوجي)واخواته وفيه منهم متزوجات السالفه كانت عن المقاطع البايخه والصور اللي تجي لجوالات الرجال وان الواحد يكون محرص ع جواله وكذا.. قلت انا فلان لو امسك جواله يصير انتفاضه قالت خالتي  ليه تمسكين جواله هو يمسك جوالك يقرب منه ؟قلت لا قالت وانتي حاطه قفل ع جوالك صح قلت اي بس لو يطلب جوالي عطيته ماعندي مشكله بس هو مستحيل قالت لا بيعطيك ..  طبعا البنات كان رأيهم مثل رأيي ووحده منهم وهي تضحك (تضحك ع امها لانها تنرفزت)  قالت خلاص بلقط لك رقمه السري واعطيك اياه .. وقامت تهاوش بناتها ليه تأيدونها وتقولي الوحده لا تجلس تفكر وتراقب وتفتش وتجيب خراب بيتها بنفسها رديت انا قلت لو كنت بخربها خربتها من زمان  ياخاله لا تعصبين هالشي مو ف بالي قالت وحده من البنات اووو بغيتي تكحليها عميتيها .. قلت انا اقصد بالخراب اني اخربها وافتش .. بس انا مابي اوجع راسي واجيب لنفسي الغثاء.. قالت خالتي يعني حتى لو جواله مفتوح وايعطيك جواله ممكن يجيله مقطع اوصوره يشوفها ويحذفها وانتي ماتدرين  فخلوكم عاقلات ولاتخربون بيوتكم يوم تذكرت السالفه حسيت بندم مووووطبيعي وجتني صيحه  مدري ليه ندمانه اني قلت كذا ووصلت لهم فكره شينه مدري انا مزودتها ع نفسي او اني فعلا غلطت نفسي اصير امسك نفسي وماعاد اتكلم عشان مااندم بعدين ..