ممكن ان ندعي اننا لم ننتبه

شوفي أختي أنا أحس البنت كل ماكبرت كل ما تفكيرها نضج و سارت تفكر بواقعية أكثر و ما أتوقع إنها راح تتنازل عن الشروط الاساسية إللي تبغاها في شريك حياتها بس طريقة نظرتها للامور راح تتغير

يعني أنا مثلا زمان كنت أفكر في الزواج بس من ناحية الفرح و الفستان و كدا و أنو العريس يكون زي الأمير الخيالي
لمن كبرت شوية سرت أفكر أكثر في شكل حياتي مع شريك حياتي و في صفاته و الأشياء إللي اقدر اتقبلها و إللي ما أقدر أتقبلها

مثال كنت زمان ما أتقبل الشخص البخيل و لا الشخص إللي مايهتم بالموضة دحين أتغيرت أكتشفت أنو الشكل شي مهم بس مو أساسي بس البخل صفة في الشخص مستحيل أنها تتغير عشان كدا مستحيل أتزوج بخيل بس ممكن أتزوج شخص مايهتم بالموضة بس مرتب و نظيف

يعني هيا مو تنازل عن شروط بقد مو هيا أنك تسيري أكثر واقعية في اختياراتك يعني يسير يهمك الشخص بذاته أكتر من أنه يهمك الزواج و خلاص عشان كدا يمكن تسير المهمة أصعب و ما تقدري تقبلي أي واحد و خلاص

و بالنسبة للأشياء إللي ماتتنازل عنها هيا الدين و الأخلاق و التوافق من جميع النواحي و طبعا ما ننسى شي من أهم الاشياء لازم ماتتنازل عنه هوا احساسها بالراحة و القبول للشخص إللي اتقدم لها بغض النظر عن أي شئ تاني حتى لو عمرها وصل مية سنة

طبعا كلنا نتمنى إننا نتزوج و نكون أسرة بس الوحدة إللي تقبل بأي واحد و خلاص عشان عمرها وصل سن معينة كدا حتكون بتضر نفسها و زوجها و أولادها في المستقبل



أتمنى ما أكون طولت عليكم و وصلت وجهه نظري بصورة واضحة و يااارب ياا كرييييم أنك ترزقني بكرمك و فضلك أنا و bintou و كل بنات المنتدى و بنات المسلمين الزوج الصالح و الذرية الصالحة إللي تسعدنا في الدنيا و الاخرة و تعوض علينا كل سنوات الانتظار و الحرمان إللي عشناها :)

اهم شي الدين والاخلاق


وبصراحه فيه كتااااااااااب لعبدالله المديفير

اسمه شريك العمر

يتكلم عن هالنقطه بالتفصيل

انصح كل البنااااااااااااااااااااات بقرائته

مره حلو ومفيد

تقدرو تحملوه من النت من دون ماتشترو

بس اكتبي اسم الكتاب والمؤلف

ويجيك على طوووووووووول


بالتوفيق

ولاتحرموني دعواتكم

بارك الله فيك على طرح وجهة نظرك
لكن اريد ان استفسر ان امر اخ هل يمكن ان تقبلي ان تعيشي في بيت اهل زوجك و هو في مكان اخر بحكم عمله هناك

ايوة عزيزتي ممكن خصوصا لو كان عمله في مكان بعيد أعرف بنات كتير زي كدا و بعضهم كمان عايشين في غرفة واحدة عند أهل زوجها أهم شي التفاهم من البداية :)