ممكن بعد سنين تصحون على صدمه ؟

السلام عليكم ورحمه الله
حكايتي ممكن ماتشبه لاحد لاني ماعمري سمعت احد مر بنفس الموقف
انا لي سنين متزوجه تزوجت صغيره والحمد لله الحياه العايله عندنا مستقره
في نفس سنه زواجي تزوجت وحده من معارفنا هي قبلي بكم يوم
تعرفت عليها اكثر بحكم المناسبات الكثيره الي كنا نتجمع فيها حملنا مع بعض
وجبنا اولاد ومشت الحياه وصداقتنا مستمره حب و احترام طبعا جبنا عيال وزرنا بعض
وكبرو عيالنا و كبرنا احنا كنا نزور بعض كل ثلاث شهور ولا ننقطع بالاتصالات
واذا زرنا بعض نسهر فكانت العلاقه علاقة احترام وصداقه
وقبل سنتين من الان جات الطامه الكبرى رحت لهذي الحرمه وجلست تقول لي عن
زوجها ومصايبه وخياناته انا هنا انصدمت لان الي يشوفها يقول هذي ملكه جمال ومستورة الحال
قالت انا سترت عليه من يوم تزوجته وتعبت معاه وقالت لي انه يتوب فتره ويرجع للحريم فتره
فهمت منها ان زوجها تبع حرريم والله يا جاني صدمه لانها عمرها ماتكلمت لكن الي فهمته
انها اختارت هالوقت عشان تعلمني عن زوجها لغرض بنفسها وهو شكها فيني اني على علاقه معاه
اه يا بنات صدمتني لمن قالت اخذت جواله واتصلت على الرقم الي يكلم فيه الحرمه
طلع نفس صوتك نفس اسلوبك نفس نفسك تخيلو تقول لي هذا الكلام وانا فوق سفرتها
قولت لها متى هذي السالفه قالت لها سنوات قولت بنفسي ليه جات تقول لي الحين
قولت لها كنتي شاكه فيه قالت لا عدت عليها السوال كنتي شاكه ان انا الي اكلم زوجك قالت لا
طلعت وحده اسمها كذا كذا
وبعدها يا بنات دقيت على زوجي واخذني وودعتها ورجعت بيتي ومسحت كل ارقامها وحساباتها
وقطعتها بدون عتاب حاولت تجيني واعتذر حاولت تتصل ولا ارد
الى ان فهمت اني ما عاد ابغاها تدخل بيتي او تكلمني