حبي في جامعة نوره لا

تكفون ............<<<<<تراتكفا تهز رجال:)
تكفون احد يعلمنا ومنها تكون هذي المعلومات تنفع للبنات السنه الجايه:)

احد يعلمنااااااااااااااااااااااااااااااااااااااااا:(

سبحان الله وبحمده سبحان الله العظيم

والله يابنات ريت اقدر افيدكم

لكن حبيت اقولكم على شغله وتذكروها زين

انا درست في جامعه الملك سعود وتخرجت وخلاص ، لكن بدايه دراستي وتسجيلي كان حوسه وفوضى لا في جداول ولا في نتايج والحاله صعبه مره مره ،، ترى على فكره ما بدو يطبقون نظام النتايج الالكتروني الا من سنه .. .؟؟

يعني قبل ما كنا ندري عن نتايجنا الا لما تبدأ السنه الجديده وهلما جرى من الزحمه والفوضى ومكاتب السكرتيره واحيانا تلاقين اوراقك واحيانا لا .. والله مرت علي ظروف كرهت شي اسمه جامعه .. حتى كنت اقول لاي احد يبي يجي لا تجي لسعود هههههههههه

حتى اختي سجلت في جامعه الاميره نوره تخصص اقتصاد تبع الاداره بناء على رغبتها ، الله يوفقها ..

لا تسمعون كلام الناس والقيل والقال الا لما تجربين بنفسك وتعرفين ، ذيك الساعه انتي حكمي قناعتك وقدرتك في انك تنسحبين او تواصلين وتذكري في كل مكان تعب

ولو رحتي اي تخصص بمسمى انه اسهل قسم ، شيلي من بالك فكره انه اسهل او اصعب ، كل شيء يبيله اجتهاد ومثابره وراح تشوفون انفسكم يوم بتشدون ويوم بتتراخون ، اربع سنين ماهي لعبه ..

اتكلو على الله في كل شي وشدو حيلكم ،، والرزق الاول والاخير بيد رب العالمين < هذا احنا خريجات وتخصصات على قولتهم محد قدنا وعاطلين عن العمل هههههههه

اهم شي استمتعو بالدراسه واجتهدو وابتعدو عن الغش والخرابيط اللي بتشوفونها بالجامعه ، وبتشوفون كيف ربي يوفقكم ويسهل اموركم في كل شي

اتمنى اني افدتكم ولو شي بسيط ولا تنسوني من دعواتكم في هالرمضانيه ولاختي هههههه

موفقين ياحلوات ..