ممكن تتفضلوووووون الله يجزاكم خير

اولا السلام عليكم ورحمه الله وبركاته ==










بدخل بالموضوع على طول بدون مقدمات








بنااااااااات ياكثر مانسمع بالوقت هذا عن كثره البلاوي ومشاكل ومصايب وكثره الامراض والكوارث ووووو00

ومن ضمنها تأخر الزواااااااج وكثره الطلاق وكثره المشاكل الزوجيه والخيانه وـأخر الانجاب وهذا كله ابتلاء من الله من كثره الذنوب والمعاصي


بالنسبه لتاخر الزواج اللحين بوقت جداتنا ماقد شفت وحده كبيره يعني عمرها بالستين او السبعين ماتزوجت يمكن فيه بس قليييييييييل اللحين بالوقت هذا يالله كثيررررررر بنات وصولوا الاربعين وحتى الخمسين ولاتزوجوا

واول كان الطلاق مو مثل الوقت هذا متساااااااااهلين فيه مررررررررره عند ادنى شي يتطلقون بالعكس ناااادر ماسمع جده كانت مطلقه

حتى المشاكل الزوجيه والله تشوفين جداتنا مع اجدادنا زي العسل وهم كباااار بالسن وتشوفيهم يجلسون مع بعض يتذكرون ايام اول ايامهم الحلوة اما ازواج ذا الوقت تلقين لحظاتهم الحلوة بس بشهر العسل او بعد مافيه ابدا

انا ادري حكمه رب العالمين بس اقوووووووول اللحين بكثررررررررره والحياه تغيرت عن اوووووووول

والامراااااض الشينه كثررررررت والامراض النفسيه والامراض الروحيه والوساوس كل هذا من الشيطاااااان

اللحين كل شي طلع نت فضائح خيانه يعني صار الرجال عادي يطلع مع بنت والبنت برضوه وعادي ندخل الدش لبيوتنا ليش كل الناس عندهم وصاااارت الموسيقى شي عادي والاغاني تشوفينها ماتسمع اغاني يوووة حرام بس نغمه جوالها موسيقى نغمه نوكيا يعني هذي مو حرام او غيرها

اللبس صار من ضمن اللي حديث الرسول صلى الله عليه وسلم صنفان من اهل النار كاسيات عاريات --- الخ يعني لاحظوا العبايه الزركشه والمخصره واللثام واللي تتمكيج عيونها وتتنقب وتبققهم عند الرجال ولبس القصير اللي اذا جلست طلع فخذها ومن فوق سيور والصدر نصفه طالع والبطن ياااااااي موضه العصر اذا ماطلع مشكله يعني اللحين الموووووضه امحق موضه العااااااااااري ايا كان لو هو مو حلو بس عااااري خلاص يكفي والله حرااااااام هذولي من يدخلن الجنه ولايجدن ريحها حتى عند الحريم يعني مو كل شي تطلعينه مثل فخذك وبطنك وصدرك عيب

وايضا الحش والنميمه والغيبه عاادي جدا نحش بهذي ونغتابها ونتطنز عليها تبونا نسولف بدون حش مالها طعم السوالف اذا قلتيلهم لاتغتابون يقولون اجل وش نسولف فيه الله اكبر

والصور الفاضحه نجيبها عن طريق ضحك وكل واحد ترسل للثانيه من ها المقاطع ماتدري انها تأخذ اثمها زود ع ذنوبها

ترى العين تزني اذا شفتي صور فاسده والاذن تزني اذا سمعت اغاني واللي تتعطر وتمر من عند الرجال تعتبر زانيه والعياذ بالله يعني وش بقى شي مباشر والزناااااا من اعظم الذنووووووب

نصيحه كل وحده بجوالها مقاطع او صور او موسيقى تتخلص منهم قبل تندم الواحد مايضمن نفسه متى يموت ترى الموت الفجأه كثير ذا الايام تلاقينه نايم مافيه الى العافيه ويموت والموت مايعرف صغير ولاكبير بقولكم قصه وحده الله يرحمها ويغفرلها طلعت مع شباب وبالطريق صارلهم حادث ودخلت المستشفى بغيبوبه وتوفت بعد فتره ديرتنا صغيره اشتهرت السالفه كلن يتكلم فيها الله يصبر اهلها ويغفرلها ياااااارب

المهم مع كل هالذنوب ياااليتنا ماغفلنا عن الذكر الى غافلين ونص الصلاه نصليها تقولين ملحوقين والذكر نقوله صح بس بقلب لاهي يعني تحرك اللسان بس والقلب منشغل بشي ثاني وش الفايده
والقران يااااربيه نستصعبه لو هذي روايه او قصه او كلام مافيه فايده كان عاااادي نقعد بالساعات والقران يادووووب نقرا ايه

والسنن مانحافظ عليها مع انهها تجبر الناقص

والله حنا مطاوعيييييين الشيطااااااان والشيطااااااان مايبي للمسلم الخيرررر


ياااااارب تهدينا وتهدي كل غاااااااافله يااااااااااارب



قااااااااارنوا بين زمان اول زمن البرأه كانوا الناس بسيطين وعااااااايشين احسن عيشه ناس مترابطه مافيهم حقد ولا كراهيه ولا قطاعه

اما الوقت هذا اعوذ بالله هموم وتعب ومشاكل وبلاوي وتلاحظون مافيه احد مستانس بحياته كلن عنده مشكله وزحمه هموم وناس مافيهم خير لغيرهم


الله غضبااااان علينا امطار مافيه المويه قلت ببلادنا امراض الطيور وغيرها وغيرها يااااارب رحمتك

بس والله اللي يرجع لربه ويطيعه ويبتعد عن المنكرات كان حنا بخيررررررررر وسلامه واطمئناااااان بس يالله هذي اخر الدنيااااا نسأل العفو والعافيه والرحمه والمغفره في الدنيا والاخره

والله يابناااااات محزني وضعنا وغضب ربي علينا الله يتوب علينا يارب