ممكن تجاوبوني؟

السلام عليكم ورحمة الله وبركاته

الله يعطيكم العافيه اخواتي بنات حواء

عندي سؤالين ياريت تجاوبوني عليهم

س1: المتزوجات الي من الاصل متينه او مليانه، شنو كان موقف ازواجكم من شكل اجسامكم من اول يوم شافكم يعني من النظرة الشرعية الى الآن؟ يعني هل عادي والا يعيب ويتطنز؟ انا بصراحة من يقولون لي عن اي احد اقول لهم على طول لا اول شي ابي اضعف طبعا هالكلام تقريبا من ست سنوات وللحين ما ضعفت وللحين ما ارضى احد يتقدم لي لاني بدون شي ماعندي ثقة بنفسي وبعد يجيني واحد واخرتها يقول لي مابيها لانها كذا والا فيها كذا

س2: المتزوجات الي يعانون من مرض جلدي او مثلا اي نوع من التشوه في اجسامهم ((يارب تكونون بخير وصحة وعافية والله لا يبلي احد بأي مرض)) ، مثلا الصدفية او الاكزيما ياريت تخبروني هل قلتو لازواجكم لما تقدمو لكم عنها والا خليتوها لبعد الملكة يكتشفها بروحه؟ طبعا اكيد غلط انه ما تخبرونه بهالشي بس حبيت اعرف تجاربكم... بتقولون لو يحبها يبيها بكل مافيها صح انا معاكم بس التلفزيون والانترنت والمجلات وفي الحياة بره البنات اشكال وانواع وما شاءالله تبارك الرحمن كل وحده بشرتها اصفى واحلى من الثانية فأكيد بيتحسر على الي خذاها، يمكن تفكيري غلط بس سؤال وايد محيرني وياريت تجاوبوني.

طبعا قبل كنت اقول لما اضعف لكن الحين اقول مو مهم اضعف الاهم اني اطيب

ياريت يابنات تدعون لي ان الله يشافيني ويعافيني ويشافي جميع مرضى المسلمين لاني جد محتاجه لدعاءكم


واسمحولي على الاطالة بس جد محتاجة اني افضفض الي بخاطري واسألكم

احس موضوعي مو مرتب بس اعذروني الحين الصبح وانا للحين سهرانه