السلام عليكم
بنات بداية وقبل كل شئ والله العظيم ان هالقصة حقيقية وحصلت لخالتي اخت امي فلا تجي وحدة وتشكك وتسوي روحها ذكية علشان ماتخرب الموضوع
وموضوعي اليوم تساؤل مثل العنوان بالضبط
هل من الممكن ان تحب المراة شخصين وبنفس الوقت !!
يمكن انا اطرح هالتساؤل لاني اليوم صايرة عاطفية بزيادة وتذكرت قصة اخت امي الله يرحمها واللي عارفينها اغلب جماعتنا ومشهورة عندهم
هذا الله يسلمكم خالتي اللي برمز لها باسم( منيرة) كانت تحب واحد من جماعتنا برمز له باسم( تركي) وتركي هذا كان
يموت بمنيرة من هم صغار وكان حبهم عذري وطاهر بشهادة الكل وحاول يخطبها من ابوها وامها لكن اهلها واهلة ماكانو موافقين بالمرة
المهم جاء واحد برمز له باسم ( سعد ) وخطب منيرة ووافق ابوها وتزوجتة وجابت طفلين منة واياس منها تركي انها
بترجع له وبضغوط من امة واختة تزوج وحدة وجاب منها ولدين وطلقها وبعدين تزوج ثانية وانجب منها بنت وكمان مثل الاولي طلقها
بالفترة هذي جابت منيرة 6 اطفال وقلبها مازال يذكر تركي وامي الله يخليها لي تقول اذا احد جاب سيرتة من اخواننا انهم شافوة بعرس او عشاء تقعد تبكي باليوم والاثنين طبعا محد يدري انها تحبة غير تركي واختها اللي هي امي
ونسيت لا اذكر ان سعد كان طيب وحنون جدا عليها ويحبها حب مو طبيعي علي انه عصبي ومع هذا مقدرت تنسي تركي
ومرت السنوات وصار عمر منيرة وتركي ب36 وسعد نفس العمر تقريبا و حصلت مشاكل بين منيرة وسعد
وكانت هي الي تفتعلها لانها كانت تبي الطلاق وطلقها سعد 3مرات علي فترات متباعدة المهم صارت منيرة تحرم
علية ولابد من محلل علشان جدي الله يرحمة ماكان يبيها تضيع اولادها فرشحوا تركي انه يتزوج منها لمدة اسبوع
ويطلقها بما انه مطلق وماعندة حرمة واتفقوا ان الموضوع سري محد يدري فية وفعلا دخل تركي علي منيرة
ومثل الاتفاق تمام طلقها بعد اسبوع وكانوا ينتظرون تخلص العدة علشان ترجع لسعد لكن المفاجاءة
ان منيرة حملت بهالفترة واضطروا ينتظرونها لين تولد علشان ترجع لسعد وكانت بالفيرة هذي جالسة ببيت جدي
مع اولادها من سعد تنتظر الولادة طبعا الكل عرف القصة من جماعتهم
بعد 9 شهور ولدت منيرة وجابت ولد وخيرها جدي انها ترجع لسعد ولا تركي وهي كانت مو عارفة وكانت تبكي لانها تحب سعد لطيبتة ونخوتة وانه ابو اولادها
وتحب تركي لانة حبها الاول وابو ولدها
الخلاصة انها اختارت ماترجع لهم اثنينهم لانها ماتبي تظلمهم لانها تحبهم اثنينهم
وبعد سنتين من هالقصة الطويلة توفت من المرض والهم لان امي تقول كل ليلة تبكي وتذكرهم بالخير وماكانت تاكل ولاشى
واخذ عزاها تركي وسعد كانوا بمجلس الرجال متلثمين ويحلف خالي انهم طول العزاء مدمعه عيونهم
طبعا انا اختصرت من القصة كثير لاني ماابي اطولها عليكم لكن ذكرت النقاط المهمة وعلي فكرة خالتي الله
يرحمها انا وعيت عليها جمالها عادي بس انها كانت ناعمة بزيادة توفت وعمرها 39 سنة
والحين امسكوا المايك وجاوبوني ممكن المراءة تحب شخصين بوقت واحد ؟
يلزم عليك تسجيل الدخول أولًا لكتابة تعليق.
كللي حنيه
•
سبحان الله وبحمـده..سبحان الله العظيم,,
اي يصير ليه لاا
والمشااعر مااهي ملك الأنساان ولاهي بيده
بس لابد من شي يطغي على شي مثل تضحيتهاا انها ماترجع للثاني اتوقع عشان اطفالهاا ماتحرمهم من ابوهم
ولاقدرت تاخذ الاول لانها بالاصل مغليه الثاني اكثر
بس عشرة الاول طغت على غلا الثااني
الله يرحمهاا ويعوضهاا خير
وحبيت اقولك ان بالجنه يكون زوجهاا الثااني >> لان الحرمه بالاخره تاخذ رجلها الاخير هذا والله اعلم
وانتي الحين لك عينين من اغلى اليمين والا اليسار >> غلااهم وااحد
والمشااعر مااهي ملك الأنساان ولاهي بيده
بس لابد من شي يطغي على شي مثل تضحيتهاا انها ماترجع للثاني اتوقع عشان اطفالهاا ماتحرمهم من ابوهم
ولاقدرت تاخذ الاول لانها بالاصل مغليه الثاني اكثر
بس عشرة الاول طغت على غلا الثااني
الله يرحمهاا ويعوضهاا خير
وحبيت اقولك ان بالجنه يكون زوجهاا الثااني >> لان الحرمه بالاخره تاخذ رجلها الاخير هذا والله اعلم
وانتي الحين لك عينين من اغلى اليمين والا اليسار >> غلااهم وااحد
ع ـروبه
•
اي يصير ليه لاا والمشااعر مااهي ملك الأنساان ولاهي بيده بس لابد من شي يطغي على شي مثل تضحيتهاا انها ماترجع للثاني اتوقع عشان اطفالهاا ماتحرمهم من ابوهم ولاقدرت تاخذ الاول لانها بالاصل مغليه الثاني اكثر بس عشرة الاول طغت على غلا الثااني الله يرحمهاا ويعوضهاا خير وحبيت اقولك ان بالجنه يكون زوجهاا الثااني >> لان الحرمه بالاخره تاخذ رجلها الاخير هذا والله اعلم وانتي الحين لك عينين من اغلى اليمين والا اليسار >> غلااهم وااحداي يصير ليه لاا والمشااعر مااهي ملك الأنساان ولاهي بيده بس لابد من شي يطغي على شي مثل...
لا مش صحيح بالجنه ماتاخذ زوجها الأخير ..تأخذ احسنهم خلقنا =)
الله يرحمها ويغفر لها :44:
الله يرحمها ويغفر لها :44:
ياا قلبي الله يرحمها و يسكنها بجناته
وربي تاثرت احس انها تعذبت بين قلبها و عقلها ....
و يصير ان المره تحب شخصين .....
وربي تاثرت احس انها تعذبت بين قلبها و عقلها ....
و يصير ان المره تحب شخصين .....
الصفحة الأخيرة