هلا بيج اختي غادة

انا من رأي اساس المشكله الي صارت او ليش زوجك تغير عليك ،، هو احساسه انه مستواه انزل منك ،، يمكن انتي تحسسنه بالشي هذا بدون ما تحسين او هوو عرف بالشي هذا بعد الزواج ،، المهم عليج انتي تخلين زوجك انه يحس انه هو الكل بالكل هو راعي البيت هو المسئول عن كل شي حتى انك تحسسينه انه احسن منك ،،

وكثر المشاكل تخل الواحد يمل ،، يعني من الكثر المشاكل الي تصير بينك وبين هله يخليه يمل من كثر المشاكل ،، حاولي تحسنين علاقتك مع اهله ،، او حاولي انك ما تحتكين فيهم وايد ،، يعني خلج بعيد عنهم احسن ،، واذا صادف وشفتيهم ابتسمي ((ترى البسمه حلوه)) يعني خليج طبيعيه معاهم ،، ولا كأن شي صار ،، مو على شانهم على شان زوجك وعلى شان اطفالك ،، والله يهدي النفووس

واهم شي اختي الدعاء حاولي انك تدعين طول الوقت علشان الله يهدي سرك ويهدي زوجك وانه يوافق على انكم تسكنون في بيت لحالكم

وشوفي الشهاده مو هي الي راح تجيب لك الساعده ، يعني انتي بنفسك قلتي ان زوجه اخو زوجك ما عندها شهاده لكن عايشه بسااعده مع زوجه والحمد الله ،، يعني انتي لا تفكرين بالتفكير هذا تقولين انا عندي وهو ما عنده ،، انت وهو واحد اللحين هو زوجك يعني خلاص انتي تشتغلين علشان تساعدينه في الحياه علشان تعيشوون حياه احسن ،، حاولي تسوين الشي هذا

والله يوفقك معاه ان شالله

واختي غاده نصيحه ثانيه مهما صار بينج وبين زوجك من مشاكل لا تطلعين من بيتك وتتركين زوجك وولدك ،، علشان لا تزيد المشاكل ،،، اذا ماكان علشان زوجك علشان الولد المسكين حرام انك تتركينه وهو بالسن هذا ،،

وحطي في بالج شي عدل محد راح يهتم في ولدج غيرج انتي حتى ابوه الدنيه شاغلته يعني حنان الام ما يتعوض ولا تحرمين ولدج من حنانك وهو بالسن هذا :(

درة البحرين_947
اختي العزيزة الله يجازيكي بالخير ان شاء الله
والله العظيم انا ما ني شايفة حالي علية ابدا مو مثل ما تتصورون
انا كلش مطيعة وهادية بس شسوي
حياتي كلها اهله متحكمين فيها
متحكمين في زوجي وبعد في الولد
انا ما ني قادرة اعيش بها الطريقة ولا هو قادر يريحني
يا اختي انا ما اريد من الدنيا الا ان اكون سعيدة مع زوجي وابني
والله العظيم ما اريدة لا يترك اهله ولا يزاعلهم
يعني هو كل من سكن ببيت وحده عاف امه واخته واهلة
لا مو هو بشرط
بس يا اختي اتنا اللي متعبني انو دايما يفكر بالشيء اللي هو يريده مو اللي انا اريدة
وانا اكدر اريح حالي واقعد في البيت بدون وظيفة بس هو اول واحد راح ينضر
وتاني شيء انما ما اكدر اقعد في البيت لاني ما ني طايقة اقعد طول اليوم بوجوههم
القلوب مليانه من ناحيتي ومن ناحيتهم
لا هم يحبوني ولا انا احبهم
واحنا كلنا نعرف هذا الشيء
بس هو الله يسامحة شسويله حتى يريح ويرتاح
وعلى كل انا قررت اني ابدا ما اترك ابني ولو كان هناك كجزرة مش خناقة ماممكن اني اطلبع من البيت او اترك لا ابني ولا زوجي الهم
لاني اكتشفت اني اطلع من البيت من هين
هم يبدوا يحشوا براشسوا من هين
وانا كنت على نيتي ما اعرف انهم يحرضوه علية
والله انا ما بظلمهم ولا اكرهم بس انا قلتلك قلبي شايل عليهم كتير
ودايما اقول حسبي لالله ونعم الوكيل وان شاء الله بيردلي حقي
ويرجعلي كرامتي اللي انهانت بسبب زوجي
مو بسبب احد تاني
لاني اعرف الرجال كرامه مرته من كرامته
وهو ما عارف انه لما يهيننوني فهم كمان بيهينوه
الله يصبرني واشكرك اختي كثير كثير على تعاونك وياي
:26:

حبيتي انا ما اقول انك شايفه نفسك عليه ،، بس حاولي انك دايما تكونين بسيطه جدامه وجدام هله ،، ودايما دايما سكتي لا تردين عليهم ولا تقولين لزوجك عن مشاكلك معاهم اول شي علشان زوجك ما يمل من المشاكل لان هووو مل من المشاكل من جذي تغير عليك وثاني شي علشاان اعيالك واللله حراام ان عياليك يضعون علشان المشاكل هذي ،، حاولي دايم انك تهدين الموضوع ،، وان شالله ان الله يهدي زوجك ويطلعك في شقه لحالكم ،، ولا تحنين عليه وايد ،، بس حاولي انك تفهمينه ان الشي هذا ضروري انك تطلعين في شقه لحالكم علشان تاخذون حريتكم اكثر وعلشان اعيالكم ،،

والله يخليكم لبعض ان شالله

بصراحة ما اعرف ارد على هذي المواضيع ولكن كل اللي اقدر اقولة الله يهديهم ويهدي زوجك والله لا يبعدة عنج
ويبعد اي خلاف بينج وبينة وبينج وبين اهله

صبري الصبر زين