ممكن تريحون هالولد المسكين برايكم

خواتي بنات حواء حبيت اخذ رايكم في هذي المشكله لانكم بنات فزعه

ياطويلات العمر السالفه

ان اخو صاحبتي عنده صديق في العمل وطيب وملتزم ووسيم هو من حبه لصاحبه قال يبغى يخطب اخته قام خبر ابوه والابو رفض بحجة ان يبغى له بنت عمه وان منطقة البنت تبعد عنهم مدة ساعتين عن منطقتهم والولد قام يصيح وظل يحاول في الابو وهو رافض والولد سوى اعتصام واستمرض وتدرون الام ماتحملت تشوف ولدها ظلت تلح على الابو بس بدون فايده راح الولد جاب ولد عمه واقنع ابوه قال الابو سئلوا عن العائله وطلعت محترمه وكبيره قال الابو ليما يجي العم الكبيرمن السفر وبيروح يخطب اجا العم وقال العم مايطلع ولدنا برى ياخذ بنتنا وبعد الحنه والطحنه ظل يحتج يقول بنسئل بس لين يجي ولد العم ويسئل وولد العم مسافر مصر وانتظر ليما يرجع وسئل مره ثانيه ونفس الكلام الزين سمع عنهم هذا والولد كل يصيح وصحته تدهورة يبغاهم يخلص الموضوع وبعد الاحاح والهوشه مع الابو قال بيسوي اجتماع مع العمام ويسئلهم وسوى اجتماع ورفضو انه ياخذ البنت يقولون بناتهم افضل من الغريبه الولد انجن وصار يصارخ مع الابو واغمى عليه ودخلوه المستشفى وبعدها لما طلع من المستشفى هاجر من البيت ومايدرون وين راح ويرنون جواله مايرد والام المسكينه كل تصيح وتطلع كل ليله تدور سيارته بالشارع ولاتنام فانا اقترحت على البنت تخلي اخوها يواجه عمامها بهدوء ويتناقش معهم ويصارحهم انه مايبغى بنتهم لان اذا صار الابو يقولهم غير لما يكون الكلام من الولد مباشره هذا للمعلوميه من ذي الحجه وهم يماطلون في ولدهم الى الحين والمشكله انه قال لصاحبه ابي اختك وخطبها ولد عمها بس هو اقنع اخته ان صاحبه افضل من ولد عمه وجا لها خال صاحبتها بس هي اقتنعت بشخصية صاحب اخوها ورفضته يعني صار الاثنين يتئملون الارتباط ببعض

ومادري عاد انتو يابنات وشو رايكم