ممكن تساعدونى فى معرفة كيفية تطريز المفارش بشغل السيرما

شوفي يا ستي , انا مش هاقدر افيدك اوي بالنسبه لكيفية التطريز , بس في نوعين من السيرما , واحد يستخدم فيه الخيط و هو خيط مخصوص اسمه خيط سيرما بيكون اسمك شويه من خيط الماكينه و بيكون لونه ذهبي او فضي و احيانا ممكن تلاقي الوان تانيه بس ده مش في كل الاماكن , و بيكون التطريز بغرزة الحشو , بالنسبه للطريقه الثانيه في شئ يشبه الاسلاك بس يكون مفرغ من الداخل , معلش انا مش فاكره اسمه دلوقت , و بتكون برضه ذهبي او فضي و نادرا ما تلاقي الوان , انتي بتكوني راسمه على القماش و بتاخدي الاسلاك دي و تقصي منها حسب الرسمه اللي عندك , و بالنسبه للتثبيت ممكن تدخلي الخيط داخل الفراغ اللي في السلك و بكده تقدري تثبتيه و لو فيه منحنيات, بغرز صغيره جدا من فوق يمكنك حني السلك
بالنسبه للقماش , اذا كنت ناويه تعملي تابلوه , الشامواه هو احسن حاجه تستخدميها , اما المفارش ممكن تستخدمي الاورجانزا (و هو المفضل) او الشيفون او الساتان , بس كوني حذره جدا و انت بتستخدمي الاورجانزا او الشيفون لانهن شفافين و الغرز لازم تكون بنظافه عشان شكل المفرش ما يبقاش مشوه
و الله يوفقك حبيبتي
اتمنى حبيبتي اني اكون افدتك

أختى العزيزة fadwa mansour
أشكرك جدا على أهتمامك بالرد والأجابة على سؤالى وجزاك الله خيرا كثيرا ،
بس أنا عايزة أعرف بس هو علشان أحنى السلك ، قلت أستخدم غرز صغيرة ، فهل هذه الغرز هى نفسها غرزة الحشو ولكن على صغير
أشكرك جدا جدا وفى أنتظار ردك على

عزيزتي (الاسلام ديني ) ( ماشاء الله اسمك جميل ) , بالنسبه لسؤالك عن الغرزه هي فعلا غرزة الحشو , بس خدي بالك انها بتكون صغيره جدا و متباعده عشان ما تخرب شكله و يكون شكله مرتب و نظيف
و الله يوفقك , و انشاء الله نشوف انتاجك :27:

ممكن اشوف صور ايش السيرما

أختى fadwa mansour
جزاك الله خيرا ، على أهتمامك
ومعلش أنا دورت على كيفية عمل غرزة الحشو فى الفهرس ولكن الصور مش بتفتح ،، فممكن بعد أذنك تشرحيلى وياريت بالصور غرزة الحشو

أختى أنتكة
هتجدى صور كثير عن الشغل السيرما على هذا الرابط

http://forum.hawaaworld.com/showthread.php?threadid=167144