هلا اختي المنتظره..

تلاقين كريمة الخفق في امريكا..في السوبرماركت في الثلاجات الي فيها الاجبان والزبادي..
اسمها Wipping Cream ..لو مالقيتها اسئلي الي يشتغلون في السوبرماركت..
ولو مالقيتها كلش كلش..تقدرين تحطين بدلها قشطه....

ونعم...الدجاج عباره عن صدور دجاج مقطعه...

واي سؤال..لا تترددين:42:

بصراحه مادري وش اقولك اختي sugar :55: على انك رديتي علي بسعة صدر ولاتأخرتي في الرد
الف شكر لك وجزاك الله كل خير :02: :02:

هلا اختى المنتظرة
انا عندى طريقة سهلة ولذيدة وخفيفة على المعدة لطبخ البروكلى
وهى اغسلى البروكلى ثم اطبيخة على البخار لمدة 5 دقائق نص استواء واضافى اليها شوية زبدة وملحى وقدمى لذيد صدقنى
او يمكن بعد طبخ البروكلى ببخار استخدمى لعمل سلطة خضراء
طريقة عمل اناء البخار
خذى اناء الطبخ العادى ومليها ماء ثم ضعيها على النار وخذى مشخل العيش وحطى فوق اناء الطبخ وحطى المادة المطلوبة طبخة وغطى المشخل بورق المنيوم وسلامتكم
ام امنة

هلا فيك اختي ام امنة وجزاك الله كل خير على الطبخة شكل طعمها حلو وسهلة بعد............ لكن عندي كم سؤال ؟؟؟؟؟؟؟؟؟
1- ليه اطبخه نص استواء ؟؟؟؟؟؟؟؟؟
2- كيف طريقة الطبخ بالبخار وماهو مشخل العيش ؟؟؟؟؟؟؟؟؟
وتسلمين ياام امنة :55: :55:

اسمحي لي اختي ام امنه اتدخل وارد عليها
اذا كانت الخضار مطبوخه نص استواء على البخار ماراح يكون طعمها نيه ما بعد استوت بالعكس تكون طريه وتحافظ على كل القيمه الغذائيه اللي فيها وانتي جربي وبتشوفين
وطريقة الطبخ بالبخار مثل ما قالت اختي ام امنه
خذى اناء الطبخ العادى( قدر) ومليها ماء ثم ضعيها على النار وبعدين خذي المشخل( مشخله -مصفاة -صفايه) ما ادري والله وش تسمينها وهي اللي تكون عميقه شوي وكلها ثقوب صغيره تستخدم عاده اذا غسلتي الرز او الخضار يوضع عليها بحيث ينزل الماء ولا يطيح اللي موضوع فيها((شرح الله بالخير وان شا الله تكونين عرفته تراني فاشله بالشرح الله يعيني اذا جاء التطبيق العملي في الكليه)) المهم حطي الخضار اللي تبين تطبخينه فيها وحطيها على القدر بحيث تكون فوهة القدر اصغر من قاعدة المشخله يعني كأنها تكون غطاء للقدر بحيث المويه اللي في القدر ما تصل للخضار علشان يستوي بالبخار وتغطين المشخله بالقصدير وبس.
وفيه طريقه اسرع اذا كان عندك قدر ضغط يجي معه هذي الصفايه وبس عبي القدر مويه الى حد الصفايه وحطي الخضارفيها وغطيه واحسبي الوقت وبس

وان شا الله اكون افدتك