ممكن تساعدوني ؟؟

السلام عليكم ورحمه الله
صباحكم خير ورحمه من ربي يارب
رح ادخل بالموضوع علطوول
انا واعوذ بالله من هالكلمه حصل لي موقف محرج وبايخ بنفس الوقت وغاص ب قلبي
ويعلم الله اني موحاقده بس
مني عارفه كيف اواجهها

صديقتي من سنه تزوجت ماشاءالله وحامل الحين وولادتها ع رمضان الله يقومها بالسلامه
صديقتي هذي سلمكم الله
كنا نتمازح ونضحك وكل شي
من تزوجت والله مدري كيف تغيرت مليوون درجه وبالاخص
اخر مره تقابلنا بقلكم كيف
طبعا انا مملكه لي 3 شهور
واكيد ب فتره الملكه تصير مكالمات بيني وبين خطيبي بس الي ضايقني
انوو تقابلنا بعزيمه عشى انا وياها ومعاها اخوات زوجها
قالتلي يافلانه اشبك كدا هاديه وساكته
انا اخدتها بضحك
المهم وهي تتريق وطبعها انووو تعيب ع الاشخاص وتتريق وماتسيبهم بحالهم
استغفر الله كل حياتها تريقه ع البشر

المهم راحت مسكت اخت زوجها طبعن مهي متزوجه قالتلها يافلانه
خلص لو انخطبتي اجلسي زي الكرسي لاتتحركي كلو لعيون الخطيب
وضحكو
مشيتها
الموقف التاني بنفس اليووم
وتخيلو معايه البيت مليان
بنات عمها اختها خالتها
طبعن
نطت فجئه
وقالتلي يلا قوليلي كيف كانت شوفتك
المهم صفقت بيدها سكووووت جماعه
نبا نعرف كيف شوفتها
:icon33: انا حسيت بالاحراج ومع ذالك ذكرت شوفتي بالتفصيل

كل ماذكر شي انسى شي
وهي تسئلني وتضحك تعرفو هالاسلوب الي يبغى يتمهزء فيكي ؟

المهم قالت شوفتيه
مع الاحراج قلتلها شوفتو
شويه اقلها لا موكتير
رااحت ماتت ضحك وطبعن هي واخت زوجها مستمرين
شفتيه كيف اش لابسه ,,,,,
وكدا وبين كل سؤال والتاني
يتريقو
انا سكتت
الموقف التالت
بنفس اليووم
انا كنت حليمه جدن وربي ستر وماقومت الدنيا بيومتها

والعبره خانقتني
بغيت ابكي وقويت قلبي
الموقف التالت واحنا نتقهوى
قالتلي وش اسمه قلتلها فلاان
راحت نطت اخت زوجها
تقلها ماتسمعيها لمن تقول شوفتها قالت اسموو
قالتلها اهاااا وضربو يد بعض وضحكووووو وكركرو
المهم
بعدها قالتلي طيب
عندك صورته
طبعن موجوده عندي بحكم انه صار زوجي خلص
ومن غبائي قلتلها ايوه
قالت اشوف
وشالت الجوال ووريتهم
بسسس
السؤال الي ذبحني
بعد ماشافت الصووره
قالتلي كنتي تكلميه وقت الخطوبه صح
قبل الملكه لتكدبي
انا هنا انصدمممممت وبلهت
:icon33::icon33:
والتانيه تقلها صح تكلمو
وانا والله ماكلمتو
<< مع العلم انووو هي كانت تكلم زوجها قبل العقد وانا كنت اعرف بس ماحبيت اتكلم والله حفاظا ع مشاعرها
وعرفت عن طريق الصدفه كمان مومنها


وجو ال2
وحاصروني تكلميه تكلميه صح عادي
اعترفي انك كلمتيه وقت الخطوبه
ويضحككككو بجنون وانا الدمعه بتفر من عيوني
اخرر شي قلتلهم لاااااااااااااا
بكل برود
قالو اهاا
وغمزو لبعض يعني انهم مومصدقيني


:icon33:
من تملكت صديقتي ماتسئل عني
ولا تكلمني
وبالوتساب صايره رسميه معي

والله انا كيف فرحت لها من قللللب لمن تزوجت

وساعدتها كثير الانسان مايحب يتمنن بشي سواه
للحين حاز ب خاطري
تعرفو معنى انه انسانه تعتبريها اختك
بس يصير لها كيان تاني
ولاكنها تعرفك
ب الضبط الي صار لي


وكل ماجت سيره زوجي
تمدح بزوجها وتقول اصلااا ماحد بيجيب زي زوجي


ايش تنصحوني اسووي معاها اخلي علاقتي رسميه
ولااقطعها
سامحوني طولت والله بس متضايقه وحبيت افضفضلكم