السلام عليكم ورحمة الله وبركاته
كيفكم ؟ ✌
ما ابغا اطول عليكم
المهم....
الموضوع اللي ابغاكم تساعدوني فيه هو موضوع يخص الصلاة والعبادة
اولا ؛
• انا ابغا اذكر الله اكثر
يعني ابغا التزم باذكار الصباح والمساء واذكار بعد الصلاة ، بس المشكلة يعني اذا قريت يوم اليوم الثاني ما اقرأ يعني بالمختصر المفيد ما اقدر التزم فممكن احد يعطيني نصيحة كيف اقدر التزم فيهم
ثانيا ؛
• ابغا اصلي ركعتين ضحى
المشكلة انا انام بعد صلاة الفجر يعني اصلي واقرأ كم صفحة من المصحف الكريم وبعدين انام واصحى الظهر فيكون وقت الضحى انتهى وحتى لو حطيت منبه على الساعة ٩ او ١٠ ما اصحى فابغى تفيدوني بذا الموضوع
ثالثا ؛
• ابغا التزم بسورة الملك قبل النوم
جربت مره اقرأ سورة الملك قبل لا انام حسيت براحة عجيبة وانا انام يعني نايمه ومرتاحه راحة عجيييييبة
بس بعدين تكاسلت عنها وصرت لما ابغا اقراها احس بكسل وخمول واقول بنفسي خلاص بقراها بعد شوي وبعدين انام وما اقراها
رابعا ؛
• ابغا جدول يعيني عالاستغفار
زمان كنت اقرا قصص كثيرة عن الاستغفار ووش يتغير في حالهم فكان قلبي يميل دايم لذي القصص واقول انا ابغا كمان اتغير بالاستغفار بس انا ابغا الاستغفار يكون بوقت السحور 😉
لأن تعرفون ذا الوقت مره عظيم والله سبحانه وتعالى يكون نازل من السماء
فممكن احد ينصحني لان جربت من قبل اني استغفر ١٠٠ مرة بس المشكلة ما في حضور قلب ابغا كل استغفارة استغفرها تكون لها طعم بس ما عرفت كيف اوصل لذي المرحلة فممكن احد يقولي كيف انظم الوقت اللي استغفر فيه وكذا يعني
خامسا ؛
• ابغا التزم بسنة الفجر
دايم اتكاسل عنها مدري في شي يبعدني عنها المشكلة انها ركعتين بس ما تاخذ ٥ دقايق بس ما ادري وش يصير لي لما اقول ابغا اصلي سنة الفجر
سادسا واخيرا ؛
• ابغا أقرأ سورة البقرة كل يوم
مو شرط تكون كل يوم يعني اقل شي بثلاث ايام يعني هو ابغا ان يكون لي ورد سورة البقرة دايم لان سمعت قصص كثيرة عن سورة البقرة وفضلها يعني انا مخصصة لي ورد كل يوم بس انا كمان ابغا اضيف للورد ذا سورة البقرة او يعني اذا عندكم طريقة كيف تقسمون سورة البقرة علشان اقرأها بيوم او يومين
ذا كان كل شي فخاطري اني اسويه فممكن احد يرد علي ويقلي طريقته
والسلام عليكم ورحمة الله وبركاته 💕
دمتم في حفظ الله ورعايته 🤲🤲💙
Hadeel_Fahd @hadeel_fahd
عضوة جديدة
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️