ممكن تساعدوني؟؟؟؟؟؟؟

رأيي كرجل إن الرجال مايحبون كثرة التحقيقات

وما يحبون المواجهة بالاتهام

وما يحبون المطاردات البوليسية والتفتيش والمباغتات


أنصحك الان تردمين الفجوة اللي حصلت بينك وبينه

خاصة في مسألة الثقة

لأنه الان بيبدأ يتحرص منك

ويخاف على خصوصياته منك

ولايمكن يترك جواله او اي شي يخصه معاك

انتي لاتزعلين من هالحركات

وعديها

حتى ينسى هو الموقف تماما

وخلي هالمشكلة تزيدكم قرب من بعض مو تزيدكم بعد

ممكن اللي حصل بينه وبين صاحبة الرقم كان في وقت ضعف

او كان طفشان

وفي الغالب الرجال مايعتبرون هالاشياء الخفيفة من الخيانة

ومايقصدون فيها الا التسلية وتضييع الوقت

والدليل انه نسى هالبنت فترة

واهي بعد نسيت

لكنها يوم من الايام شيكت على جوالها وقالت ليش ما ارسل مسج


انصحك تنسي الموضوع ولاتجيبين طاريه عنده

والليلة الليلة الليلة...سوي اي شي مختلف بحيث يبان عليك انك نسيتي الموضوع

صدقيني بعدها بيكره الساعة اللي عرف فيها ذيك البنت

لكن لو زعلتي من اليوم الى يوم الدين تراها مابتفرق معاه

حتى لو راضاك عشان تمشي الحياة ترى الموضوع مابينساه

بخلاف لو انك انتي اللي بديتي الصلح

وانتي اللي تقربتي له

مع انك انتي المظلومة

بيشوفها كبيرة منك مررررررررة

ويكون قدرك عنده عالي


وانصحك بعد كذا ماتدخلين في خصوصياته

وماتصدمينه

وماتدخلين عليه فجأة في ساعة خلوة

وتغافلي ولاتدققي كثير

لان الرجل مايحب المراقبة اللصيقة

خاصة اذا كان الرجل مو موقصر معاك في شي

ومين منا مايخطي

كلنا اصحاب اخطاء ومعاصي وذنوب



الله يملا قلوبكم بالسعادة والحب والخير

الله يهديه ويصلح له حاله اول شي لا تحديه على الحلف لانه امايكذب او انه يرفظ والنتيجة واحدة حاولي تذكرينه بالله تعالى وانه يخاف الله فيها وان يتقي الله في اهل بيته ودعي ربكي بالهدية له عسى ان يهديه ويصلح له حاله ويره لكي ردا جميل ويجعلكي قرة عينه

انسي الموضوع وحاولي تبدين معاه حياه يديده ولا تنبشين في خصوصياته ولا تفتحين الموضوع مره ثانيه كللللللللش ديري بالج مهما غلط الريال بالاخير مرده لام عياله وانتي شكلج واعيه ولا تسيئين الظن انتي مو متاكده اساسا ويمكن نزوه وانتهت كبري عقلج لوووووووووووووووو اهو غلط انتي صيري حكيمه في شغلات وايد بالزواج الوحده لازم تطنشها عشان المركب يمشي سواء الريال او المره

نصيحتي لج لا تروحين تبحثين وراه.. واجهيه قوليله الله خلق لنا العقل يا فلان
والموضوع فيه شي غلط!! وأنا اقولك خاف الله فيني وشهديه بأنج إنسانه ماقصرت
معاه وأنه لو كان فكر في الحرام!! يتذكر انه لو زوجه وله حلال يمكن الله يبليه فيهم

يعني لا تتكلمين كأنج يائسه منه وعارفه انه خاين!! وفي نفس الوقت انه عندج شك!!

الموضوع واضح زوجك يعرفه وحده .. وموهذي المشكله المشكله ليه وكيف يعرفها وانتي معاها .. السؤال هنا .. ؟؟ وينك عن زوجك ..
على فكره معلومه صغيره .. الرجال ما يحب الحرمه اللي بارده ماهي نبيه فاحرصي انك تكوني اشد حرص على زوجك ..