ممكن تساعدوني

هلا اختي خوخه... وان شالله اقدر افيدج..

الغاليه انا سئلت عن أماكن فيها قطع واكسسوارات هنديه والأغلب مدحلي مينا بزار في دبي... هو سوق هنود بس قالوا تلقين اشياء وايد حلوه فيه.. وموقعه في بر دبي.. قريب من البرجمان مثل ما قالولي..

وأسماء المحلات اللي مدحوها لي.. تعليقاتهم على هالمحلات هي الآتي:
1) محل فاشو (للشيفونات والكريب والجورجيت.. إذا شكيتي الفستان عندهم بيطلع روعه)
2) محل الحميدي (للفساتين/ القطع المشكوكه بالخرز)
3)الأنيق، مهرجان الربيع، ريجال (للشيفونات)
4) ماتش سنتر (يصبغلج القطه باللون اللي تبينه)

وادخلي اي محل وقولي ابا الساري المشجر..

.....

هالمعلومات انا مجمعتها من منتديات.. وسجلتها عندي.. وبصراحه للحين ما رحت لاني مشغوله ويا ترتيبات الملجه.. واتمنى تلقى اختج اللي تباه عندهم...

أما الكوشه.. اممم قاعدة افكرلج في ديزاين... يمكن تكون مكلفه! اللي اعرفه الهنود يحبون الفل يعني يلبسون سلسلة من الفل.. ممكن اختج تطلب من محل الورد يجهز لها هالسلسلة وتلبسه بيوم الحنه.. أما الحركه المكلفه هي ان الكنب اللي بتقعد عليه تكون ديزاين قطعته نقش هندي.. وترا حركاتنا التراثيه ما تفرق وايد عن التراث الهندي.. من ناحية الحنه والمجوهرات..

يبالنا هنديه تعطينا ديزاينات الكوشه عندهم..

آسفه طولت عليج.. واتمنى اكون قدرت اساعدج في شي.. والله يوفقكم

عزيزتي ............. الاخت الرحــــــــــيل
تسلمين على ردج لي والله يجزيج خير
الغاليه مبروك على الملجه وعقبال العرس والله يوفقج طبعا ما طولت عليه
مجردمشاركتج لي شـــــــــرف لي
اختج خــووخه

خووخه

ألف مبروك على عرس إختج مقدما

انصحج يالغاليه تستعجلون باتخاذ القرار بخصوص الكوشه وترتيبات العرس تراها تشتت ذهن الواحد، لو تشوفون حالتي الإسبوع إللي طاف كنت بموت واحس عمري مشتته ولا بعارفه ابتدي بشو وبالصدفه لقيت موضوع عن هدايا المعازيم وطلبت من البنات يدزون لي ارقام الحريم إللي تكلموا عنهم بالموضوع وجزاهم الله كل خير المشرفه نبض دزت لي رقم ام عبدالله وكلمتها وجلست معاها وساعدتني بأمور كثيره حتى فكة الكوشه ساعدتني فيها وهي إللي نصحتني اخصص نوته او دفتر صغير وادون فيه كل شي من حيث المبالغ واللوازم إللي احتاجها وادون كل شي اشتريه أول بأول ونبهتني على على إني اخصص مبالغ معينه لكل شي مثلا مبلغ للمكياج والعطور ومبلغ ثاني للملابس يعني اوزع المبالغ واتقيد فيها واخصص مبلغ للطوارىء، وإذا حابه أي مساعده من عيوني وإذا تبين رقمها هي وإلا ام شوق بدزه لج على الخاص

والله يوفقكم إنشاءالله

هلا ............. القنوعه
الله يبارج فيج ومشكوره على نصايحج الحلوه
اتمنى لو تطرشيلي رقم الحريم لي ساعدنج
والله يوفقج