ممكن تساعدوني الله يجزاكم الجنه

الله يجزاكم خير بطرح مشكلتي وابغاكم تساعدوني فيها
ومالكم مني الا الدعاء بظهر الغيب باذن الله لكل من ساعدني بحلها ومن يدعي لي

مشكلتي فيه خاطب تقدم لي قبل كم اسبوع وطبعآ لاني مريت بتجربه سابقة لي بزواج حبيت يكون السؤال عن هالشخص اكثر من مايجب يعني ماخلينا احد ماوصيناه يسئل عن هالشخص ولي يهمني بالدرجة الالى دينه والصلاة اهم شي ...
من الناس الي وليناهم السؤال اخوي الي اكبر مني بسنتين وهو كبر العريس الي متقدم واخوي هذا بعطيكم عنه نبذه مختصره ساكن بعيد عننا والحمد لله رب العالمين ربي هداه باول رمضان وعرف حقوق ربه زين (بمعنى صلاة المسجد ,, الابتعاد عن الاغاني) الله يديم عليه يارب
لكن ربي يهديه مايعرف معنى ان الدين معامله ونصح وحنان لخواته وامه صحيح ربي هداه بالعبادات بس مانهدى لنا بالمعامله الحسنه مالنا غير الدعاء له ان الله يرده ردآ جميلآ ..
سئل اخوي لان ابوي الله يطول بعمره وصاه بالسؤال من ضمن الي استوصاهم رد علينا بعد يوم ونص بكلمة هالانسان مايصلح !! حبيت اعرف ليش مايصلح مانع يقولي ليش قلت له انا صاحبة الشأن وقراري لي يمكن هالعيب الي تشوفة انا اشوف انه مو عيب قالي انا وصيت صديقي (والصديق وصى صديقه!!) بالسؤال عن هالخاطب وقالنا مايصلح لكم انه قبل مايتوضف كان يرقم !! ترضين تاخذين واحد كذا !!
ترضين تاخذين واحد متوضف ببنك !!!!
رديت عليه وش علي بماضيه انا انا ابغى الحاظر هو كذا ولالا قالي الي فيه طبع مايتركه
قلت مو كل الناس واحد وانت تتكلم عن زمن مراهقته وكل من يمر بمرحله زي كذا وربي يستر عليه ويوفقه ولا تنسى قبل مايهديك ربي انت مريت باشياء اكثر من كذا اكثر من مكالمات تليفون والله ياخوني اني قلتها له بكل حسن نيه وادب بس سبني وشتمني وسكر السماعه بوجهي بعدها اتصل وقال لآمي ترضين لبنتك تاخذ واحد يشتغل ببنك !! انا مقدره ان اخوي بعد الي شافه والي سواه يبي كل شي على اصوله بس انا صادقه وش علي من ماضيه وش عليه من وضيفته وين هو متوضف انا علي انه رجال مصلي مسمي مايهمني الباقي
صدقوني ضايقه فيني الدنيا هذا اول شخص من انفصلت يجيني يكون مناسب من العوائل الي ابوي يرضا فيها صغير اكبر من بسنتين ومنفصل مثلي :44:
كل الي تقدمو قبل الي اكبر مني 15 سنه ومو مناسب والي متزوج :44:
تكفون ساعدوني افوت هالشخص للعيوب الي ذكرها اخوي
ساعدوني عسى ربي يرزقكم من واسع فضله ويوفق كل بنت ويستر عليها يارب