ممكن تساعدوني في حشوه للسندوتش

بنات نسيت اخبركم ان عندي عجينة البف باستري اذا عندكم طريقة لها

ينقل لاطباق حواء

السلام عليكم

اختي ممكن تحشين الصمون الصغير المدور بسلطه تونه (علبه تونه مع بيضه او اثنين مسلوقه وقليل من البصل ابيض مفروم ناعم اذا تحبين و فليفله مفرومه ناعم و شويه ليمون و ميونيز و تبلينها بملح و فلفل اسود)
الحشوه الثانيه : دجاج بالمايونيز (دجاجه مسلوقه و منزوع منها العظام و تفرمين لحمها و بعدين تخلطين شويه عصير ليمون و مايونيز و ثوم اذا تحبين مع طحينه و ملح وفلفل اسود)

الحشوه الثالثه: لبنه و خيار و نعناع طازج و زيتون اسود مقطع شرايح (لذيذ) ممكن تحطين شرايح طماطم بس بيمتن السندويش

ممكن لبنه مع زيت زيتون و جرجير طازج

ممكن تستخدمين في عند المخابز نوع من الخبز اللبناني الصغير بيبي اصغر من راحه ايديج،، هذا النوع بيكون جيد حق الحشوات الي ذكرتها فوق،
ارجو اني قدرت اساعدج،

اختج ام ناصر

ليش ماتسوين كلوب ساندويش ؟
اخذي التوست وادهنيه بمايونيز وكجب ماجي الفلفل وشويه ماسترد
وصفي مرتديلا دجاج او ديك رومي مع خس وطماط
والله بتطلع لذيذه وسهله موفقه اختي والف سلامه عليج

عندك التوست تقدرين تسوين منه اشكال رووعه ومتنوووعه ويبين كانك تعببااااااااانه عليها حييل

1-قصي التوست دوائر انا اقطعهم بالاقماع حقت الفطاير وحطي اللبنه بالقمع ثم حطيها ع التوست مع رشه بسسسيطه زعتر حلوووو شكلها
2- ادهني التوست بمربي وحطي شريحة جبن سلايس ثم قصصيه لمثلثات صغيييييره مثلا قصيه +ثم x
3- تسوين منه بيتزاء تحطين كل المكونات وتدخلينه شووي بالمايكرووويف بس ليذوب الجبن
4- والاحلى طريقه ام دحومي اللي هي
تجبين بسكويت مالح مثل بسكوت نبيل وتقصيين الخبر دوائر بالاقماع مثلا ثم تدهنين الخبز من الجهتين ببيض وجبن سائل وتلصقين البسكوت من الطرفين
و تدهنين الوجه شوي من البيض والجبن ثم تحطين شريحه مرتديلا وزيتون وفلفل شكلها مررررره حلو
وووو فيه خيارات بعد وااااااسعه لو تبين كتبت لك