أم فيصل يارب يسعدك انا عندي مشكله فقط في الارداف والفخذ من فوق تمام كيف ماقدر امرن الارداف يوميا ممكن تحطي لي جدول تعبت ابغى احد يفهمني في الرياضه وجدوالها وجزاك الله الف خير

ويسعدك يارب..
من الأفضل أنك تمرنين الجسم بالكامل حتى المناطق اللي ما تعانين فيها من مشاكل
ليرتفع مستوى اللياقة والمرونة وتتحسن نسبة الايض وتزيد الكتلة العضلية مقابل الكتلة الدهنية
عشان مايزيد وزنك مستقبلًا ويشد ويترتب الجسم أكثر لكن براحتك
وتمارين المقاومة ما تمارس بشكل يومي على نفس العضلات لأنه يسبب إجهاد لهاوممكن تعطي نتيجة عكسية
أو تضمر العضلة أو تتهتك وخسارة العضلات تنعكس على البنية العظمية وقوتها لأنها الداعم الأساسي لها مع الأربطة
وجدولك الرياضي خمس أيام في الأسبوع
ثلاث أيام هوائي 30-45 دقيقة على حسب لياقتك البدنية
ويومين تمارين مقاومة فقط للجزء السفلي بكتلة الجسم أو بأوزان خفيفة ما تتجاوز 3كيلو
كل تمرين ثلاث جولات بـ15 عدة



و هنا تجلسين بالهواء ومتسندة على الجدار
10 جولات بـ30 ثانية
ومثل ما ذكرت بردي السابق بنهاية التمارين بـ15-45 دقيقة تناولي بروتين
ليساعد في استشفاء العضلات وتغذيتها
وتمارينك عمومًا بالتناوب يوم هوائي ويوم مقاومة لحد ما تخلصين الخمس أيام
وأن شاء الله توصلين لهدفك وللشكل اللي يرضيك.

افضل حميه للجسم هي التخفيف جربت جميع انواع الرجيم كل مايخطر في بالك واللي انزله يرجع دبل استمريت فترة ثلاثه شهور نزل وزني الحمدلله من 108الى 87كيلو افطر واتغدى من اكل البيت اللهم اني اخذ لي في صحن منفرد كميات قليله ومااحرم نفسي والعشاء احيانا زبادي واحيانا بدون عشاء واوقف عن الاكل الساعه 7مساء وان شاءالله استمر وينزل وزني للخمسين

اول ماتصحين اشربي لك كوب مويه دافيه مع ليمون وملعقة عسل طبيعي و٧ من حبة البركة
حاولي وجباتك ماتكون فيها دهون ولا وسكريات
كلي خضار مسلوق لو مكشن عادي اهم شيء مافيه زيت
بس ملعقة من زيت الزيتون للكشنه)
كثري فواكة وخضار راح تفيدك وتقويك وماتخلي فيك شحوب
كثررررري مويه ب أقصى جهد تقدرين عليه لان الموية بتخلي جسمك يتخلص من الدهون والامراض بإذن الله
وبشرتك بتتحسن ويصير لها نضاره
بس انتبهي تشربين مع الوجبات او بعد الوجبات ع طول كمية كبيرة عشان مايصير لك كرش
الفواكة اللي تنحف: كيوي + تفاح اخضر
السلطة الخضراء بكل أنواعها تنحف وبقوة


وانصحك تآخذين شاهي اخضر ثلاث أكواب في اليوم بعد الوجبة بساعة


وقبل النوم اشربي شمر لانه يشد الجسم
وكل يوم سوي لك زمزمية فيها هالخلطة (زنجبيل +كمون+ليمون+ماء مغلي)
واشربي طول اليوم حتى تخلص)
راح تنفع معك ان شاءالله💕
وانصحك بالتمارين تشد جسمك وتذوب الدهون وتعطيك نشاط وطاقة ايجابيه@


اخر شيء فيه رجيم اسمه ابيض واسود اذا تبين تتبعينه تلاقينه باليوتيوب،
اتمنى لك التوفيق خيتي💕.

رجيمك اللقيمات في حساب في الفيس بوك متخصص فيه فيه جواب لكل استفساراتك