OoفراولةoO

OoفراولةoO @oofraoloo

محررة برونزية

ممكن تساعدوني في شراء ادوات المنزل الكهربائية ,,

المنزل والديكور



مرحبا خواتي الله يعطيكم العافية ,, انا ياخواتي قريب ان شاء الله بأثث بيتي ,,

وخلفيتي بسيطة شوي عن الاحسن في الادوات الكهربائية ,, فحبيت تساعدوني لأني احترت في اشياء
كثيرة ,,

اول شيء انا من الرياض ,,
حابة اسألكم عن احسن نوع ثلاجة وما ابغاها تثلج يعني تبرد الأكل وفيها فوق جزء بارد جداً بحيث
انه الدجاج واللحم يتجمد لكن ماتطلع ثلج ,, يعني هوائية شرايكم احسن نوع ثلاجة بهالمواصفات وياريت تنصحوني من فين اشتريها وسعرها اذا أمكن ,,


بالنسبة للفرن ,,
انا خاطري اشتري فرن كهربائي لأني خوافة جدا من الغاز واحس الكهرباء احسن ,,
بس مو عارفة وش الاحسن ,, انا طول حياتي عند اهلي غاز ,, فياريت تنصحوني
الافضل في الفرن والبوتجاز من الاعلى الغاز ام الكهرباء ,,
وكمان هل الغاز يصرف كهرباء كثير ولا عادي ,,,
وسعره اعلى من الغاز او عادي ,,


فيه بنات يقولون في بعض الاشياء مانقدر نولع الفرن عليها اذا كان كهرباء مثل الفحم
فعلا هالشيء ؟ هل فيه اشياء مانستخدم الكهرباء لها ,,


كمان بغيت اسأل عن الغسالة ,, في بيت اهلي عندنا غسالة ميتاج ما اقول لا هي حلوة
بس مشكلتها كبيرة وتاخذ ملابس كثيرة ,, وبعدين التنشيف مو مرررررة والملابس
تطلع تطعيجها كثير مرة بس بصراحة هي مريحة ,, بس انا ابغى اغير ,,,

حطيت ببالي ويرلبول ,, و ال جي ,,
ياريت تنصحوني وش الاحسن مع الاسعار وكم كيلو تاخذ علما اني ابغاها تنظف الملابس
وتنشفها تنشيف كامل ,, وتعبأ من الاعلى ,, ابغى احط الصابون والكمفورت واروح
اجي الاقيها مخلصة ,,,


نجي للمكنسة ,, وش احسن نوع ,, حاليا حاطة ببالي :
هيتاشي
باناسونيك

كمان بغيت اسأل المايكرويف ,, وش احسن نوع ,,



كمان المكوى احلى نوع ؟ ويكوي بسرعة وله درجات كثيرة ؟
وهل يكفيني المكوى العادي عن المكوى البخار الي له استاند ,, وخرطوم للكوي ,,
هذا يستخدم للعباية والقمصان الحرير والملابس الناعمة صعبة اكويها بالعادي ,,
بس ابغى احسن نوع مع اسعارهم الله يوفقكم ومن فين اشتريهم ,,

كمان ابغى اسأل عن غرفة النوم من فين ناخذها ؟ ويكون سعرها معقول ,,
وتتحمل وفيها ضمان ,, ياريت تساعدوني يالغاليات ,,


كمان بالمرة ابغى اسأل عن مفارش العرايس الي تجي فخمة مرة وقطع كثيرة
ويكون المفرش يغطي السرير عدل ما ابغى الانواع الي منتشرة بالسوق كلها باليالله تغطي السرير
واطرافها شوي تطلع انا ابغى الاطراف تطلع تكون طويلة الى الارض اعلى شوي ,,
مثل موديل هالصورة تقريباً ,,



كثير قالوا لي افصل عند محلات عمل الكنبات بس ما ادري من الي جرب التفصيل وكم
يكلف وانا اشتري القماش ولا هم يجيبونه ,,

كمان لا مانع من نصحي بأحسن الاشياء الي اشتريها للمطبخ سواء اواني او كهربائية
او اي نصيحة صغيرة كانت ام كبيرة ترى والله محتاجة ادنى نصيحة ,, ومابقى شيء على فرحي
الله يتمم لي على خير ,, حابة اجمع المعلومات من الحين عشان بعدين ما اتعب في البحث
لأن راسي لاف من الحين ,,



الله يخليكم ياخواتي لا تتركوني بدون ماتساعدوني وهذي لكل وحدة تساعدني
والي مابترد ياريت تدعي لي الله يسهل اموري ويشفي اتي وماما وبابا ,, ويخليهم ليا
يارب العالمين ويحفظ لي زوجي من كل سوء ,,
20
9K

يلزم عليك تسجيل الدخول أولًا لكتابة تعليق.

تسجيل دخول

ايسكريم في جليم
الادوات الكهربائة ارستون الفرن من شفاط وفرن اواني عندك العويس جنان ويقولون الهزازي حلو بس انا مرحت له وما ادله المكيفات سبيلت دايكن ال جي موزين المفارش عند نمارق اللي بطريق الملك عبدالله والفراج اللي بالمجد ارجو اني افدتك
OoفراولةoO
OoفراولةoO
ايسكريم في جليم ,,

الله يعطيك العافية اختي ويوفقك ,, على النصيحة ,,
ثلج
ثلج
اختي فراولة الله يتمم لك على خير يا رب
شوفي حبيبتي هالموضوعين إن شاء الله تحصلين فيهم اللي يسرك....لان الموضوع اللي انتي سالتي عنه كثير متكلمين عنه في هالقسم....
هذا موضوعي
http://forum.hawaaworld.com/showthread.php?t=815256

و هذا موضوع مشرفتنا سمن و عسل
http://forum.hawaaworld.com/showthread.php?t=553409
OoفراولةoO
OoفراولةoO
مشكورة اختي ثلج الله يعطيك العافية ,,,,

وينكم خواتي محد يرد علي ,,
~~ارام~~
~~ارام~~
السلام عليكم
بصراحه حبيت اعطيك تجربتي مع الادوات الكهربائيه
الثلاجه والغساله احسن نوع بصراحه ال جي وفي منها احجام واشكال وعليها ضمان وحتى لو خلص الضمان اللي من المحل يكون عندك ضمان ال جي تدقين على رقم الشركه ويجون يصلحونها لك وهي في مكانها
اما من ناحيه التنشيف للغساله فأنا اعتبره ممتاز واذا كنتي تبغينها مكويه حاره مالك الا المجفف وهذا عندك ويرلبول رائع ومايطلع حراره بالمكان اللي تحطينه فيه وسعره اتوقع 1300 من اكسترا

ما عندي خلفيه عن الفرن الكهربائي اللي عندي عينين كهرباء و4 غاز واذا خلص الغاز استخدم الكهرباء مافيه مشكله حتى الفحم اقدر احطه عليه مين قالك ما يصلح بس انا استخدم الفحم السريع باشكاله واتوقع حتى الثاني عادي

وبالنسبه للمكواة اتوقع تيفال حلوه واستشيري غيري

وبالنسبة لمفارش العرايس شوفي عندك محل الفراج اللي بالمجد عنده مفارش رووعه وانا مره شريت من عندهم واحد تصميم امريكي اتوقع سعره حول 500 بس من جد رائع ويسوى السعر يعني مريح وفخم وينزل من الاطراف وعنده اشكال ثانيه اغلى وحلوة
انا بصراحه ماقد جربت التفصيل بس وجهت نظري انو مو مريح للنوم ومو عملي غالبا اقمشتها تكون خشنه زي الكنب انا ما تعجبني مع انها تكون فخمه بعضها

ان شاء الله اكون افدتك باللي اقدر عليه