ممكن تساعدوني في مشكلتي مع زوجي

هلا بنات كيف الحال يا صبايا ابختصر الموضوع وابقول الموضوع على طول
بس يا بنات ابي تقولون لي هل انا غلطت ولا ولو غلطت وش المفروض اسوي
الموضوع يا بنات
انا مقيمه في احد الدول الاجنبيه مع زوجي طبعا مش هذا الموضوع الموضوع اني طلبت من امي مبلغ وقدر2000ريال سعودي ترسلهم لي على حساب زوجي مع العلم ان زوجي مقتدر ماديا ولا مقصر معي الله يخليه لي انا كان الغرض من المبلغ الي رسلته امي ان في حاجات زوجي يقول خساره اشتريها بهل مبالغ زي مثلا شنطه اشتريها 1000 يقول حرام هذي وجه نظره وانا احترمها علشان كذا ما حبيت اضغط عليه واغير مبداه
على فكره انا ربه بيت ما اشتغل والمبلغ اخذته من امي سلف والله يعلم كيف برده
المهم ذيك المره شفت جهاز الIphone اذا تعرفونه هذا جوال نادر مشهور بالمنطقه الي ساكنين فيها المهم هو كان في خاطره يشتريه انا شيكت وشفت سعره حسيت اني اقدر اشتري الجوال واقدر اشتري الشنطه الي نفسي فيها المهم جا وقلتله يا زوجي انا شفت حاجه وابي اشتريها لك علمته بها ووريته سعرها على النت قالي يا قلبي هذا مش اي فون هذا مشغل موسيقى كان سعره 299دولار المهم قام ووراني الايفون وكان سعره399دولار يعني 400 دولار وزياده غير الظرايب المهم هو انبسط وقالي من بكره انروح نشتريه قلتله قدام المهم فكرت فيها انا طلعت فول بلا حمص راحت فلوسي ولا شريت الي ابيه جلست احسب شفت ان ماراح يصفالي من 2000 ريال الا400 ريال وهذي ما تسوى شي
المهم قلت يازوجي انا تراجعت حسبتها باقي الفلوس ما تسوي شي هو حسيت انه ما عجبه الكلام طنشني المهم فتحت الموضوع من جديد وقلتله انا بدفع 1000 ريال وانت ادفع الباقي قالي لا وش هل خرابيط الي بيهدي لا يعشم احد بعدين يقول كمل باقي الفلوس انا كانت نيتي اني ودي اسوي شي له ولا ودي اخسر الفلوس الي سلفتني ياهم امي كبر الموضوع وقالي انا كنت افكر لو انك شريتي لي الجوال راح ارجع لك افلوسك علشان تشترين الي خاطرك فيه
المهم الان انا مره زعلت من نفسي :icon33: وقالي انا هل جوال هذا ما ابيه وخلي فلوسك عندك واشتري الي خاطرك فيه والله يابنات يومها مت من الكلام الي قاله لي لاني ابي اسوي شي حلو وانقلب على المهم انا الفلوس والله ما عادت تهمني وربي تفداه بس الي قهرني اني طلعت جمبه اني ابدي الاشياء الثانيه عليه مع العلم ان الفلوس هذي انا متسلفتها علشان على الاشياء الثانيه
بنات قولولي وش اسوي انا افكر اوح واشتري الجوال حتى لو كلفني اغلى من سعره واقدمه له ؟؟ شرايكم:26: