ممكن تساعدوني لوسمحتم انا بضيقه وانتظر ردكم

السلام عليكم
مسائكم فل
يشرفني اني اكتب لكم والله اني ماكتبت الاوانا عارفه انكم بتوقفون جنبي
السالفه ومافيها اني متزوجه من6سنوات عندي بنتين الكبيرة 4س والثانيه ع سنة ساكنه مع اهل زوجي بشقه صغيرة مشكلتي مع زوجي انصدمت فيه ابقولكم سالفته تفكيره غير تفكيري طباعه غيرطباعي دايم يسوي مشاكل ويقول انا الغلطانه
بخييييييييييل تخيلوا نكون بالسوبرماركت احط حاجه بالسله يجي قدام العلم يصارخ رجعيها ليه تاخذينها ويرجعها سكت
حط اشياء بشرفي وجاء واعتذر وسامحته حارمني من اي شي ابغاه
والمشكلة اللي قبل هاذي تهاوشنا على شي تافه وكنت عنداهلي جاء معصب وخذ البنات وحط كل وحده عند وحده من اخواته
سكت ومشيتها على انه والله هوالغلطان
ومشكلتي اللحين بدت اني طلبته مبلغ تافه قال لا وقام ضربني ووداني لبيت اهلي وانا اللحين بكمل شهرماارسلنا ولا ريال والديون كثرت علي ويوم حب ابوي انه يحل المشكلة اتصل فيه ولماسمع صوت ابوي سكرها بوجهه واذا اتصلوا فيه اخواني مايرد عليهم وارسله اقول جب مصروف لبناتك يقول لا اذاكنتي عنداهلم يصرفون عليك هم يصرفون باجي اخذكم بدون مايكلم ابوي لاني انا الغلطانه رفضت وبشده ماابغى زي كل مرة يغلط ويحطني الغلطانه واسامحه ولا يبغى التفاهم
مع العلم اني ماقصرت معه وع 22سنه وحلوه بشهادة الكل
بالله وش رايكم فيه والله اني تعبت معه عطوني حل
انا محتارة بالطلاق اخاف على بناتي واخاف على نفسي لانهبل منه
وكيف يصيدونه اهلي علشان يتفاهمون معه
اسفه عالاطاله وانتظر ردودكم ولكم هذه الورده:26:
شكرا:)