ممكن تساعدون صديقتي .....؟

السلام عليكم ورحمة الله وبركاتة
صديقتي عندها مشكله وحابة تسردها ليكم وأتمني تشوروا عليها وتساعدوها
وهي الحين بتكتب لكم:

السلام عليكم
كيف الحال أن شاء الله بخير
أنا حابة أعرض لكم مشكلتي وهي تتلخص في الأتي
وهي أني أحببت ولد عمي والمشكله أني أعترفت لآختة بهذا الشيء وبعدين أنا سكت عن الموضوع
بس حسيت من الكلام معاهم أنها هي خبرت الي في البيت أقصد أهلها وأخوها الي هو ولد عمي
وأنا ما كان قصدي شيء قصدي الحلال
وأنا حسيت بالعكس أن الأم وخواتة حبوني ويبغوني لآخوهم وهو ما أعرف الصراحة راية
بس أنا حاسة أنهم يفكرون فية ويمكن يخطبوني لولدهم
لكن الشيء الي خايفة منة والي أحاتية الحين وهو
أني أخاف أذا خذيتة أنة يعايرني أني أنا الي حبيتة وتمنيتة وأخاف بكرة يقول أنتي الي بغيتيني
بس والله بنات أنا ما سويت شيء أنا صح فكرت فية لكن فكرت فية بالحلال
فكرت فية بقلبي ولا سويت شيء يغضب الله
حتي بيتهم ما أسيرة وأن سرت أتأكد أنة غير موجود علشان أحس مو حلوة في حقي أذا سرت وهو هناك أخاف يقولوا أني سايرة أشوفة

والحين حتي أحس أن خواتة ينغزوني بالكلام ...هم يعاملوني كاني أنا ماني عارفة أن هم عارفين
وأنا ساكتة ما أقول شيء

بس الحين أنا شو أسوي ....؟
خايفة
أن أهلي يدرون أني فكرت فية؟؟؟وأخاف يطلعون بالقصيرة قدامهم؟
خايفة أذا خذاني يعايرني بأني أنا الي حبيتة ؟
يا تري أن شاء الله أذا تقدملي أفوافق علية؟؟؟
وأذا وافقت وعايرني شو أسوي ؟؟؟وأنا ألصراحة أتمني أنة يكون من نصيبي؟
أتمني تكونوا فهمتوا مشكلتي وأتمني تساعدوني وتشورون علية
ملاحظة:
أنا الحين علاقتي معاهم مو مثل أول أنا باعدة عنهم علشان أكون بعيدة عن الموضوع وأبدا ما أفتح الموضوع معاهم ...وحتي يوم يقولولي تعالي بيتنا زورينا ما أروحلهم الي في العيد وأتأكد أنة غير موجود
وهم عارفين أني ما أجيلهم علشان ما أشوفة
وأهم شيء بعد أني في حياتي ما كلمتة
يعني بختصار أنا صح حبيتة وفكرت فية بس كان هذا الشيءبيني وبين قلبي
الين خبرت أختة وهي خبرتهم ...والي خايفة منة أنهم يعايروني بكرة
الحين أنا شو أسوي في الموضوع ككل

وسامحوني طولت عليكم
بس متأكدة أنكم بساعدون أختكم وما بتقصرون وياها:44:

ومشكورين أنكم قريتوا مشكلتي وأنا في أنتظار ردودكم
والسموحة:(