ممكن تطرحون تجاربكم/قديم

السلام عليكم ورحمة الله وبركاته

اخواتي عالم حواء ان شاء تكونو باتم الصحه والعافيه

حبيت استشيركم بمزيلات الشعر الغير مرغوب به بما اني نويت اشيل حلاوه <<<<<<< وانا بس نويت جاني اكتئاب

ليش حنا نشيل حلاوه مع انها متعبه وتهيج الجلد وهي اللي مخليه لوننا مو موحد وفيه مسامات ورووس سوداء >>>,والا عمركم شفتو جسم فيه رووس سوداء انا اعرف الخشم بس ؟؟؟؟
المهم ليش مانجرب كريمات مزيل الشعر مو اريح وارخص ونفس النتيجه ..ومع الاستخدام يخف نمو الشعر

لما جاتنا بنت خالي زايره من جده نامو عندنا اسبوع في العطله القصيره اللي فاتت والله يابنات انها مشاء الله مصقوله مو بيضا بس لونها حلو مع انها قمحيه فاتحه بس صاااااااااااااااااااااااااافيه ولا راس ولا مسام حتى والله العظيم اني حسبتها طبيعيه مايطلع لها شعر وانا جالسه جمبها وتعبانه على نفسي بالحلاوه والشمع بس طالعه بشرتي هلكانه من الرووس والمسام والحبوب الصغيره غير الوان الطيف اللي كاني مضروبه اخضر وبنفسجي وصايره باهته وناشفه

وهي مشاء الله بشرتها نديه سالتني عن بشرتي ليش شكلها كذا انحرجت وقلت لها الحماس امس مع الحلاوه نتضارب انا وياها <<<<هههههههههههه
قالت ليش ماتستعملين مزيلات الشعر اريح وممتازه وجلست تمدح فيها قلت لها وش دراك انها زينه قالت انا مااستعمل الا هي وبالاخص نير بالليمون والله يابنات اني قلت لها انتي يطلع لك شعرك :o

قالت ايه ليش مو حرمه قلت الا بس مو باين انك من النوع اللي يطلع فيه شعر ولا حتى وبر مشاء الله انا قلت اذا انتي مسويه شيئ فالاكيد انو ليزر

جلست تضحك قالت لانو انا ادهن جسمي كله فيه كلللللله يعني اصير كلي بيضا من الكريم واخليه 10 دقايق وامسحه بمنشفه وبعدين اتحمم يشيل الجلد الميت حتى اللي بالركب والاكواع ويوحد لوني ويشيل حتى الوبر اللي تقولينه والرووس السوداء واصير نظيفه مرااا لمدة اسبوعين والاسبوع الثالث يبدا يوبر لانو ينبت خفيف وضعيف وتقريببا ماله لون وانا لي عليه سنين نموشعر جسمي ضعيييييف لاني اموت الشعره قبل لا ازيله نفس مفعول الليزر
معليش قصيت حياتي بس حبيت اقنعكم زي مااقنعتني :42:
والله اني جلسة لحالي افكر ليش عمري مافكرت فيه ولا شلت جسمي ؟؟؟:16:
ليش عمري ماسمعت احد يشيل فيه او حتى يمدحه ؟؟؟:16:

بحثت عنه بالنت مالقيت احد يمدحه الا قله ورادين عليهم البنات بالتنبيه بعدم الاستعمال مع انهم مااذكروا السبب او حتى تجاربهم معه :angry2:


ارجو التفاعل لاني بجد محتاجه مشورتكم


بنات اللي تذكر نوع الكريم اللي تستخدمه تقولنا مميزات وعيوبه
مثلا اذا يخلي الشعر ينمو تحت الجلد او يسبب حساسيه ووش افضل كريم مزيل استعملته
ناويه اشتريه بكرا واجرب


لكم جزيل الشكر




بنات لقيت موضوع من وحده عندنا بالنتدى تمدحه بعد بحث وعناء طويل وبصر احه موضوعها اقنعني
خلونا نسوي حملة لا للحلاوه والعذاب ونستعمل مزيل الشعر نير بالليمون وهذا نص موضوعها مع الرابط للتحقق من الموضوع للعضوه رووح الفهد!


مرحبا بنوتات:26:


كيفكم حبوبات


حبيت افيدكم واقولكم تجربتي وربي شاهد على كلامي......ومابي الا دعوه

المووووهم

انا ااعاني من النقط بسيقاني والشعر تحت الجلد رغم اني استخدم الخلطه الصابونيه وصنفره وغيره وغيره........ وماشيه على نظام خلاني قشطه نعومه وبياض بس استمرت معاناتي مع النقط رغم اني استخدم الحلاوه باستمرار ونوع جيد .......وكااان نفسي احصل على ساق ناعم صافي يلمع البس براحتي عند زوجي

المهم يوم الاربعاء الماضي كان يوم التنظيف عندي من الشعر رحت السوبر ماركت شريت حلاوه ومزيل شعر نير بالليمون مدري ليه جا هالمزيل على بالي وتركت فيت والانواع الباقيه:42:

رجعت البيت شلت الابط والمنطقه..... بالحلاوه

وتكاسلت اشيل بقية جسمي رحت فتحت المزيل ورشيت على ايديني ورجليني كامله الفخذ والساق


و بعد عشر دقايق شلته

وربي ياينات ماصدقت عيوني:32: النقط خفت بنسبة 90 % وصار جسمي يلمع وزي البيبي نااااعم وربي انصدمت
بس المس بفخوذي وسيقاني واناظرهم

قلت اكيد الليمون اللي بالمزيل له دور وقفل المسامات كذا وانحلت مشكله سنين اعاني منها سألت اختي قالت توك تدرين:love: انا لي فتره استخدمه والحمدلله سيقاني كانت منقطه والحين اختفت المسامات نهائي بعد كم استعمال قلت الحمد لله انا من اول مره كذا اجل بعد كم استخدام وش يصير؟؟

ماادري يابنات بس انتوا استخدموا صنفره وطلعوا الشعر من تحت الجلد بالحجر بشويش بعدين

شيلوا بهالمزيل وشوفوا النتيجه


وباذن الله تحصلون على نفس نتيجتي وتستانسون



ولاتنسون تدعولي اذا ناسبكم واذا ماناسبكم لاتدعون علي يمكن بشره عن بشره تفرق



تحياتي حبوبات:rolleyes:
http://forum.hawaaworld.com/showthread.php?t=1465299

الف شكر للاخت روح الفهد واسمحيلي دمجت موضوعك بموضوعي