ممكن تعطوني آراءكم فهالمخطط؟

السلام عليكم ورحمة الله وبركاته

خواتي العزيزات
احنا بإذن الله ناوين نبني لنا ملحق صغير في بيت أهل ريلي
ومساحة المبنى ما تتجاوز الـ 120 متر مربع
يعني طول 15 متر X عرض 8 متر

احس المساحة ضيقة وما تساعد في توزيع الغرف بشكل حلو
عشان جي ابا مشورتكم فالتوزيع
انا رسمت مخطط عقب صراع عنيف ويا مخي
وهذا اللي طلعت به:


وفي اشياء ابا اوضحها
وهي:

1- المدخل لازم يكون في هالجهة،،، لان الجهات الثلاثة الباقية في موانع تمنع وجود المدخل فيها
الجهة اليمين بتكون كراج السيارات
اليسار بتكون لاصقة فالمبنى الرئيسي
الفوق او (الورا) بيكون وراها بمترين جدار الحوش

2- القوس المرسوم فالصالة هذا عبارة عن الطاولة اللي يسمونها بار (الله يعافينا) جدام المطبخ
كنوع من الديكور <<<<< خاطري فيه من زمان خخخ

3- الدرايش (النوافذ) أقدر اسويها في كل الجهات ما عدا جهة اليسار لان مثل ما قلت هالجهة لاصقة فالمبنى الرئيسي

4- المستطيلات الصغييييرة جدا واللي باللون الرمادي هاي عبارة عن ابواب


وأخيرا
شو رايكم فالمخطط؟
يباله تعديل؟
شو تقترحون علي؟
اغير شي فالترتيب ولا زين جي؟

والسموحة عالمغثة