ممكن تعطوني طريقه المكرونه

هلا ... حبيبتي هذا مكرونه البيتزاء ...
وهذي طريقتها ...

المقادير :
2/1 علبة مكرونة السباجيتي
2/1 علبة قشـــطة
1 علبة جبنة كاسات صغـير
2 مـلـعقة طعــام مايـونيز
2/1 ملعقة صغيرة ثوم بودرة

الكشنه :
( زيت زيتون + بصل + طماطم + 2/1 مكعب ماجي + 1 ملعقة صغيرة سكر )
اللحمة :
( لحمة مفرومة + بصل + 1 فص ثوم + بهارات مهران + 2/1 مكعب ماجي + فلفل اسود)
الوجه :
( فلفل اخضر مقطع + زيتون اسود واخضر شرائح + جبن كرفت صغير )

الطريقة :
نسلق المكرونة وتصفى ثم تخلط بالقشطة والجبنة والمايونيز والثوم وتصب في صينية الفرن
... نعمل الكشنة واللحمة المفرومة بالطريقة المعتادة
توضع على المكرونة مع الضغط القليل بظهر الملعقة وأخيرا نوزع الفلفل الرومي والزيتون والجبنة الكرفت المبشورة وتدخل الفرن من الأعلى ومن الأسفل وتقدم ساخنة ...
الثانيه والله مادري ... اول مره اشوفها ...

جزاك الله خير بيض الله وجهك دنياء الاخره

اعرف طريقة الاولى بس الثانيه موجوده بكتاب النخبه كان ودي ادورها واكتبها لك بس الحين كتابي والله ضايع

الاولى مكرونة البيتزا انا مااحط معها خلطه بيضاء لانه زوجي مايحبها ممكن تسوين علبة قشطه اربع ملاعق جبنه سايله ملعقتين مايونيز
شوي مويه للخلط
تسلقين كيس المكرونه عادي بمويه وزيت وملح الين تستوي وتصير لينه تصفينها تخلطين الخلطه البيضاء بالخلاط وتصبينها على المكرونه بقدر واسع وتحركينها مع المكرونه وصبينها بصينية الفرن وضغطيها بالملعقه ووي وجهها تخلطين بالخلاط ثلاث طماط كبيره مع فص ثوم وشوي مويه تحطين على النار شوي زيت زيتون وتحطين فوقه الطماط وتخلينه الين يصير الطماط احمر حطي ماجي وخليه شوي يتسبك حطي بهارات ايطاليه وبهارات وفلفل اسود وملعقة زعتر كبيره ونصف علبة صلصه وملعقتين كتشب وخليها تتسبك مع بعض على النار طفي عنها النار وحطيها على المكرونه وادهنيها بالملعقه اسلقي نقانق وقطعيها حلقات جيبي فلفل بارد وقطعيه حلفات جيبي زيتون اخضر وزيتون اسود شرايح جبن موزريلا كاس ونصف علبة فطر مقطع اول شي حطي الفلفل فوق الصلصه وبعدين النقانق بعدين الزيتون بعدين الفطر بعدين رشي وججها باجبن الموزريلا واذا عندك اريغانو رشي وجهها بالاريغانو ولا عادي بدون دخليها الفرن من تحت الين تتحمر وعشان تتماسك الطبقه الي تحت ومن فوق الين يحمر وجها والموزريلا تسيل وقطعيها وقدميها بالعافيه

جزاك الله خير بيض الله وجهك

انا سوي مكرونه البيتز المكرونه الاسبجاتي طويله

الثانيه موجوده بكتاب النخبه كور البطاطس وتحتها دجاج مع خلطه لذييييذه جدا