ممكن تفيدونا بنصايحكم

.. بسم الله الرحمن الرحيم ..
.. بنات حبيت استشيركم بموضوع يخص قريبه لي هي استشارتني بس ماعندي الخبره الكافيه ارد عليها فشوورو انتم عليها بالاصلح والانفع لها باذن الله ..
..هالبنت قبل ثلاث سنين تزوجت شخص وهو عايش هنا بالرياض وهي بالشرقيه المهم حصلت بينهم مشاكل كثيره واساس المشكله انها مو طايقه الشخص ذاته بس اهلها جبروها عليه لانه من العائله خصوصآ انه كان متقدم لها شخص ثاني وصغير ومناسب ولا راح نشدو عنه واول ماجاها هذا بسرعه قالو لها علشان تصرف نظر عن الثاني هي قالت رضيت بالثاني ابوي اكيد كان ابخص فيني مع اني ارتحت لأول حتى بعد استخارتي وكملت مع الثاني بس ماحبيته ابدآ لآسباب كثيره وفاض فيها وبعد ثلاث شهور انفصلت منه ورجعت للشرقيه عند اهلها طبعآ زوجها كان نذل ماخلى عيب بالدنيا ماجعله فيها يعني الله اعلم كان مايبيها تتزوج خصوصآ قالها من يبيك بعد ماتكونين تطلقه (هو واهله عندهم عقد خصوصآ له كم اخو تطلق ومادري ايش المهم عندهم عقده من هالشي ) هي توكلت على ربها انه يشرح صدرها ويعوضها خيرآ منه خلاال هالثلاث سنين تعبت مره انه محد خطبها وكانت تشكي لي هالشي تقولي وش فيني مميزات يرغبوني عن البنت الي ماتزوجت كنت اقنعها بس مايحس بالنار الا رجل واطيها سجلت بالجامعه وبدت تدرس خلاال هذيك الفتره تقدم شخص عمره بالثلاثين اول ماخطبو ابوها بسرعه رفض الموضوع ورفض هالشخص نهائيآ وقالها اذا انتي ملزمه بخليك تتزوجينه بس هذا اخر شي بيني وبين امك بعد زواجك وتقول كانت راحة امي اهم علي ولا ابي احد يتشمت بنا بعد هالعمر وكنت اموت من القهر ابغى اعرف اسباب الرفض بس مايقول ابد خصوصآ انه ابوها من الناس الي يحب العايله وبنتي بتناسب من اهلها ومنها وفيها خواتها الكبار رفضو وتزوجو بعد الثلاثين وهي الوحيده الي تزوجت بالعشرين وبالشخص الي ابوها تمناه بس حصل الطلاق المهم تقول بعد هالموضوع بسنه انخطبت لشخص ثاني هالشخص قالت لي عنه بنت عمه وقالت ترا هو مو اجتماعي وترا حليل وطيب واسألي عنه الطبيب النفسي الي يعالجه !! تقول قلت طببيب نفسي من اولها مايلزمني خلاص مو لازم ونسيت بعدها بففتره بديت انخطب لناس متزوجين بس وش يحدني انا صغيره وغيره هذا جميله وحلوه وغير هذا اعتقادي انا اني ماحب اخرب حياة احد على حسابي ابي يكون لي زوج لوحدي مو نصف زوج وشغلت نفسي باشياء ثانيه ونسيت موضوع الزوج لحد ماجا يوم واتصلو علينا ناس يخطبون لولدهم حسيت بفرح عمر وحده تحس فيه الا الي جربت معاناتي كان هالشاب صغير عمره 25 سنه تزوج شهرين وانفصل مثلي بالضبط وهذا شي ححببني فيه بعد شكله يوم جو يخطبون رسمي ريحني كثير حسيته الانسان الي بيرحني بس انصدمت برأي ابوي انه مافيه احد بعايلتنا قد ناسب هالناس بس هالمره اصريت انه لازم يكون لحياتي حد لازم اختر الي ابي الى متى وابوي يختار على كيفه صحيح له حق علي بس تقيمه للناس مو على صواب وبعد مااصريت كلف اخوي يسأل عنه هالولد اهله بالشرقيه وهو متوضف بالرياض طبعآ ماسألو عنه بالرياض الا اسباب انفصاله والي عرفتها زييين وبعد سألو بمكان دوامه وسألو مديره عن اجازته وكذا قالهم الاجازه ماخذها ابدآ غير ثلاث ايام العيد الي هي اساسآ للبنوك يعني الولد مو راعي سفرات وهالشي بينه ملفه عند المدير ومن ناحية الصلاة قال نشوفه يصلي الصراحه معنا المغرب وهو الفرض الوحيد الي ينشاف فيه صلاته وسألو عن معاملته مع الناس شكر فيها مرره وبالنسبه للشرقيه الولد تاركها صار له ثلاث سنين واخوها يوم سأل قالو صغير ولا يعتمد عليه والي قال ماقدر احكم عليه تارك الشرقيه من سنين بحكم وضيفته جاها اخوها وقالها انه مو مناسب للعيوب هذي قالت اذا شي ماضي بحياته انه كان يكلم بنات او لا يعتمد عليه بصره هذا شي ماضي علي من تقييم الناس له بالحاظر لكن مو راضي اخوها ابدآ وابوها بعد تمسك بالشي الي قاله له ولده ,, بس تقول انا مرتاحه للشخص هذا وصليت استخاره وارتحت وحاطه ببالي اني ابي ابتعد عن الحرام وودي اصون نفسي باي طريقه والله يجعل هدايته على ايدي اقنعت اهلها بس مو راضين تبي حل للي هي فيه تقول ماقدر احكي لبوي معاناتي مقدر اقوله وش يقولون الناس بظهري بسبب طليقي واهله ابي انستر واذا على هالشخص انا جاعله زواجي منه كله احصان لي وله وجعل ربي يوفقني ويجعل هدايته على ايدي ..
.. بنات هذي السالفه كامله ابي رئيكم ماابغها تتعذب مره ثانيه يكفي الي شافته بحياتها ..
.. وبعد حالتها مضيقه صدري وهو انسب شخص تقدم لها للحين ومافيه احد تقدم لها بمواصفات افضل من كذا ..
.. انتظر رئيكم والله يجعله بموازين اعمالكم الصالحه ..