ممكن تفيدوني ؟؟

السلام عليكم اخواتي ..

بنتي عمرها شهر وخمسة ايام قبل كنت اعطيها حليب اس 26 ولاحظت انها كانت ترجعه ويسبب لها غازات ومغص وغيرته لحليب آخر (نيرسي 1) بعد إستشارة الطبيب ,, على قولته اس 26 ثقيل ودسم ومب كل الاطفال يتقبلونه وخاصة اللي معدتهم خفيفه ,,

ما رأيكم بهالحليب وهل سمعتوا عنه (نيرسي 1 ) ؟؟
وفعلا الحمد لله من غيرتلها احسها مرتاحه معاه وما ترجعه وما يسببلها وايد غازات ..

ثانيا حبيت اسألكم ,, لما اسوي الرضعه كم اقدر اخليها ؟؟ يعني المده .. لين متى اقدر استخدمها ؟؟ لأنه احيانا بنتي ما تكمل رضعتها وبعدها بساعه تجوع فهل ممكن اعطيها من نفس الرضعه اللي ما كملتها ؟؟

والسؤال الثالث .. لازم كل كم اغيرلها الحفاض ؟؟ ما هي المده ؟؟

ياليت تفيدوني ,,لانه هاي اول تجربة لي مع الامومه,,بعدني يديده على هالمجال :42:

وودي اشكيلكم عن معاناة النوم الليلية والسهر :( بس اعتقد هاي معاناه عاديه راح تتغير مع الايام ولا شو قولكم ؟؟ لانه حضرتها في الليل تقوم وكأنه النهار عندها وانا اكون في قمة النعاس :09:
مب عارفه كيف انظم نومها ..يا ليت تنصحوني وتفيدوني

ومشكورين مقدما وإذا عندكم اي نصائح اخرى ممكن تفيدني في هالسن خبروني لانه مثل ما قلتلكم هاي اول طفله لي وما اعرف شي :(