حلا ي قلبي حرام هي تتابعكم تبي حل لنها عااارفه غلطها وتبي حل لنو حاولت انها تمسك نفسها بس ماقدرت

تمسك نفسها زين وتعامله زي اخووووانه وش ذنبه هو ترااااه طفل. واذا ماقدرت لاتحن عاعيالها الثانيين قدامه لانه راح يحس بالفرررررررق

لأن أطفالها كثار وخلف بعض لازم تصبر ويصير بين الطفل وأخوه 3 سنوات مش معقوله الكبير4وبعده طفلين. .فهي تعامل طفلها من الضغط والتعب والبزوره😣

قد سمعت واحده كذا ماتبي مولودها وهي توها والده فيه حتى انه كانو قريباتها يهتمو بطفلها وهي نفس حالة هذي تقول ما احس له محبه ولا تبيه مره وسبحان الله بان على شخصية الطفل لما كبر صار شرير وبس يضارب ويخاصم والكل يبعد عنه انعكست.قسواة امه عليه وهي كانت تحاول ماتقسى بس كاارهته غصب عنها.

احب ابشرها بتمرد هذا الولد ضدها ومستقبله بيكون في الشوارع لانه راح يكرهها ويشيل بقلبه عليها وماراح يسامحها على طفولته اللي ضاعت والحنان والاهتمام اللي حرمتيه منه

واضح انها مو قادره على التربيه وقرفانه من حياتها ومن المسؤليه ومكتئبه وتحط حرتها فيه لانه مسكين ضعيف مايقدر يسوي شي ولا يقدر يدافع عن نفسه

انا ما اتعاطف مع اللي مثلها لاني ذقت المر بلا ذنب ولا سبب وحاولت اموت نفسي عشان ارتاح والى الحين عمري بالعشرينات لازلت احس ناقصني شي بحياتي ومتعلقه ببعض خيوط الماضي وفيني كسر بداخلي ما اظن شي بالدنيا ممكن يرممه ويصلحه مهما تظاهرت بالقوه والشموخ والصلابه

اتقوا الله في اطفالكم اللي جبتوهم في لحظات متعه وشهوه ثم اذا ماقدرتو على تربيتهم تعذبونهم بحجة ( والله غصب عني ) !!!
اجل حتى المجرم واللي يغتصب الناس كلهم غصب عنهم ليش الله يحط احكام وعقوبات ؟!! الله اعطانا قبل الاحكام والعقوبات عقول وقلوب واحنا نقرر ونختار

فكونا من الكلام اللي ما يودي ولا يجيب حطي مخافة الله بين عيونك وان قطعة اللحم اللي تعذبينها ستحاسبين عليها يوم الحساب وانها امانه برقبتك

شيطانك يزين لك اعمالك ويقول لك اضربيه غصب عنك وانتي تطيعينه بحجة غصب عنك !!

نصيحه صححي غلطتك قبل يجي يوم تندمين وماينفعك الندم

احتوي هالمسكين وعوضيه وعاهدي نفسك ما تمدين يدك عليه

وطاقتك السلبيه والشر اللي بداخلك طلعيه بشي ثاني قومي الصبح واطلعي بالشمس هرولي اركضي خلي جسمك يتخلص من الطاقه السلبيه

واتبعي نصيحة الرسول عليه الصلاة والسلام وقت الغضب اطلعي من عند اطفالك فوراً او روحي توضي او اشربي ماء بارد وتمددي واستغفري وتعوذي من الشيطان
مع الوقت راح تتهذب نفسك ويتبرمج عقلك انه وقت الغضب مافي شي يستاهل وبتكونين اكثر هدوء



اعتذر على القسوه لكن طفل ماهو قادر يدافع عن نفسه اشوف نفسي فيه

واي وحده بتقتبس ردي وتتفلسف توفر فلسفتها لنفسها وتطبقها على نفسها انا مو محتاجه نصايحكم