كوبونات الراقية تسجيل الدخول

الشيهانـــة

ممكن تقولي لي كم مدة صلاحيتك وتنتهين؟ شوفي الفاتورة حقتك.. ايه شوفيها؟

الأسرة والمجتمع •

كل عام وانتم بخير جميع لاعزائنا المشاهدين،، واخواتنا العضوات،،

:39:

كل وحدة تقولي متى راح تتفكك صواميلها؟ يعني مساميرها؟

متى راح بيداهمها الضغط؟ او السكر؟ او الجلطات؟

<<<<<<<< أدري كل شيء بيد الله

لكن الله ماطلبنا انا نرمي بانفسنا للتهلكة

يالله قولوا لي: بطونكم هذي وش مليتوها أمس؟

أكيد خضار وفواكه وسمك وكل شيء مفيد وصحي

:mad: إلا مالينها دهون وسكريات ونشويات وكل وحدة منكن متبطحة ويالله تمشي،،

كل وحدة منكن ياقاعدة تحش ،، او تندب حظها وهي ماتحاول تبادر بشيء زين،، او حاسدة ومشغلها نفسها بحياة
غيرها

او لاهيه مافي هدف اصلا،، واللي تلهث ورا رضا زوجها بشكل خلاها اربع وعشرين ساعه ماتطري ولا تفكر

الا فيه ونست نفسها وعيالها وربها

وا الي بس قاعدة تتمشى بالاسواق وتناظر بهالحريم وتتطنز على ملابسهم وان هي اكشخ منهم

والي بس مقضية وقتها تلفونات وتلفزيونات والعاب

والي مقضيه وقتها صياح ومشاكل وهموم وحزن وافلام هندية

عمركم سالتم انفسكم :

لو في زحمة همومكم او اشغالكم هذي، لو صحتكم راحت عنكم وطحتوا في الارض وصرتوا عاجزين

او مريضين باي شيء ضغط ، سكر، ......... الخ

وش اول شيء راح تفكرين فيه؟؟؟؟؟؟؟؟؟؟؟

خليكم صريحات :mad: وحطوا عيونكم في عيوني؟

كل وحدة بتقول اكيد بفكر في نفسي واني كيف اهملتها طول هالسنين ولا تغذيت زين وطلع عندي نقص كالسيوم

وحديد وارتفع السكر مدري نزل والضغط ياكافي من كثر الهواش ولا من الزعل وووووو واشياء كثيرة تسوونها غلط في

حق نفسك؟

اصحوا حق انفسكم، لاطحتوا من بيشيلكم عيالكم،، خداماتكم،، ازواجكم؟،، ولا خواتكم المتزوجات

ولا امهاتكم الكبيرات في السن،،

عيالكم مين راح يهتم فيهم الشغالات،، عز الله رحنا فيها

غير باقي ناس الي ممكن مايلاقوا احد يهتم فيهم،،

عشان كذا بسكم ووقفوا مشاكل وطالعي جسمك وانا هنا ماقصد الصحة الجسدية بس

لا اقصد بعد الصحة النفسيه

طهروا قلوبكم مو عشان الناس الي ظلمتكم،، عشان انتم يصيير عقلكم نظيف

مثل مافي حمية تخلص سموم من الجسم،، سووا حمية تخلصكم من سموم عقولكم

الحين الحرمة ماتوصل الاربعين الا بدت تتدهور صحتها،، حولي اهتمامك كله في نفسك اول عشان صحتك

وعشان تقوي تربي عيالك مو لاجيتي الاربعين طحتي وعيالك الصغار وين يروحون؟ من يهتم فيهم؟

لاتقولوا لي رايقه اكيد ماعندها مشاكل،، الا عندي زيكم ومن جميع اشكال المشاكل الي تبيها

بس يارب لك الحمد ،، ماقدر اعترض ولاتبوني واقول ليه كذا ياربي؟

لكن يارب لك الحمد من قريت حديث: من توكل على الله كفاه، صرت مرتاحة جداااااااااااا

ويكفيك قولة بعد: قال رسول الله صلى الله عليه وسلم : ( يدخل الجنة من أمتي سبعون ألفا بغير حساب هم الذين لا يسترقون ولا يتطيرون وعلى ربهم يتوكلون ) . متفق عليه . وفي روايه ( ولا يكتوون ) .

ومن صفاتهم: لا يسترقون ولا يكتوون ولا يتطيرون: لا يسترقون يعني ما يطلبون من يرقيهم، ولا يكتوون، وليس معناه

تحريم هذا، لا بأس بالاسترقاء ولا بأس بالكي عند الحاجة إليهما، ولكن من صفاتهم ترك ذلك والاستغناء بالأسباب

الأخرى، لا يطلبون من يرقيهم، ما يقول يا فلان ارقني، ولكن إذا دعت الحاجة لا بأس، لا يخرجه ذلك إذا دعت الحاجة

عن السبعين، ولهذا أمر النبي صلى الله عليه وسلم عائشة أن تسترقي في بعض مرضها، وأمر أم أيتام جعفر بن أبي طالب أن تسترقي لهم، كما في الحديث الصحيح.

وهكذا الكي، كوى بعض أصحابه عليه الصلاة والسلام، وقال: ((الشفاء في ثلاث، كية نار، أو شرطة محجم أو شربة

عسل، وما أحب أن أكتوي، وقال: وأنا أنهى أمتي عن الكي)) ، فالكي آخر الطب، إذا تيسر الطب الآخر فهو أولى، وإذا دعت الحاجة إليه فلا بأس.

أخرجه ابن ماجه في كتاب الطب، باب الكي، برقم 3491.


يكفيك لا ضاقت بك الدنيا تذكري هالحديث وتوكلي على ربك في مشاكلك وان شالله تكوني من السبعين الف

انا هالحديث من بعد ماعرفته ارتحت كثير وصرت اصبر نفسي فيه


بس من جد قرفت من كل مكان اروح له بس مشاكل وسواليف حريم تغث

لكن خلي وحدة تفتح موضوع صحي وى ثقافي والله محد يعطيها وجه وكلن يلوي بوزه

فالله يرضى عليكم الي عندها مشكلة من ناس معينين في حياتها ،، تحاول تخفف مقابلات معهم قدر الامكان

لكن تصل رحمها بحدود.

اذا انتي مسببة مشكلة لاحد من قرايبك اتقي الله في نفسك وانا ماراح اقولك الدنيا دوارة الا بقولك يمكن بغمضة عين

الا وانتي الي في مشكلة،،

ماعندك مشاكل بس قاعدة فاضية وتوسوين في نفسك لين جبتي لنفسك هموم من قلة ايمانك بالله وثقتك في نفسك

اقولك ارجعي لنفسك و اجلسي جلسه مصارحة مع نفسك

لان اهم شيء انك بخير وعافيه

والله ثم والله لو وحدة منكم ذاقت جزء من طعم المرض،، وانتم تشوفون الالام الدورة والولادة

انكم تعافون الدنيا وتستحقرون انفسكم انكم ضيعتوا حياتكم وحياة عيالكم على امور تقدري تتغاضي عنها

وتمشيها وتتجنبيها كمان

الدنيا جداااااااااااا قصيرة عشان اضيعها على مشاكل وهواش وسب وشتايم

عشان كذا اهتموا بصحتكم عقلا وجسدا

ومن الان ابدووووووا اكلوا فواكة وخضار ،، واشتروا كتب وتثقفوا بالصحة الجسدية والنفسية ،، ولا بس فالحات

تضيعوا وقتكم في النت والمسايير والعزايم

أتمنى تفهموا كلامي قبل توصلوا الاربعين او الخمسين ويبدا كل شيء اكلتيه وانتي صغيره يبان اثره عليك

اذا انتي من راعيه الاكل الي مشي حالك يسكت الجوع،، اجل ابشري بالسكر والضغط والجلطات والروماتيزم

واذا انتي من النوع الي بس حاشي راسي وساوس ومشاكل وبكا ابشري بعد بامراض ثانيه

:mad: لاتقولون اعوذ بالله من فالك،، ليش كلامي غلط؟؟

اجل من وين جا الروماتيزم؟؟

ومن وين جا السكر؟

والي ماهي مستوعبه كلامي هذا،، روحوا المستشفى وشوفوا المريضات هناك واسالوهم

وش اكثر شيء تحسفتي عليه انك ماسويتيه؟

عذرا خواتي اذا كلامي قاسي بس من جد انبطت كبدي،، مدري وين اروح،، أبي ناس حيه ناس خدها بينشق

من التبسم،،أبي ناس مهتمة باكلها وبصحتها ،، ابي ناس متفائلة

مو كل ماكن اروح له تكون فيه فئات تسد النفس ونظر نطلع لاني مو مجبورة اسمع كلام لا يسمن الا بالهم

لعقلي حق علي ولجسمي بعد

في ناس اعرفهم عندهم مشاكل كثيرررررررررة وحالتهم المادية مشي حالك واذا قابلتيهم مبتسمات

ولا كان عندهم ذرة مشكلة وبالعكس في العزايم هم احلى لبس مع انهم مايشترون غالي الا من التخفيضات

عموما:

ماقلت هالكلام الي من الي شفته من موقف صار حولي لوحدة اعرفها،، مع ان هالحرمة طيبه وتخاف الله

بس ولو ماهتمت بصحة جسمها ولا تاكل زين ،، مع ان ثلاجة بيتهم مليانة من ماهب ودب

عشان كذا اكرر لاطحتي عن نفسك ماعاد لدنياك قيمة،،



وكل عام وانتم بخير والي في قلبها شيء على حد ،، صفي قلبك مو عشان هالشخص بس عشان

انتي ترتاحي ويكفيك ان فوقك رب لعباد وحقك مايضيع ابد

تحياتي
15
2K

يلزم عليك تسجيل الدخول أولًا لكتابة تعليق.

تسجيل دخول

»شاانتيهـ«
»شاانتيهـ« •
الله يجزاك كل خير على حرصك على اخواتك ,,

بارك الله فيك ..

دمتِ بخير ..
أمي هي بسمتي
أمي هي بسمتي •
»شاانتيهـ« »شاانتيهـ« :
الله يجزاك كل خير على حرصك على اخواتك ,, بارك الله فيك .. دمتِ بخير ..
الله يجزاك كل خير على حرصك على اخواتك ,, بارك الله فيك .. دمتِ بخير ..
تعرفين إيش عجبني في الموضوع إن لك خلق تكتبين كل هالكلمات ماشاء الله عليك لو انا اطفش

بس عن جد كلامك صحيح ومنطقي لكن صعب تنفيذه لسبب واحد لو تركنا الهموم ما تركتنا :06:
الشيهانـــة
الشيهانـــة •
أمي هي بسمتي أمي هي بسمتي :
تعرفين إيش عجبني في الموضوع إن لك خلق تكتبين كل هالكلمات ماشاء الله عليك لو انا اطفش بس عن جد كلامك صحيح ومنطقي لكن صعب تنفيذه لسبب واحد لو تركنا الهموم ما تركتنا :06:
تعرفين إيش عجبني في الموضوع إن لك خلق تكتبين كل هالكلمات ماشاء الله عليك لو انا اطفش بس عن...
:D من جد اصابعي عورتني الله يجزاني عن كل اصبع فيني مليون خير

حبيبتي،، تحسبيني مبسوطة وماعندي شيء انا تراي انسانه مسالمة ولحالي لكن الحسودين مايخلوني بحالي

يعني مشاكلي زي مشاكل الناس ،، لكن وش اسوي

وصدقيني، على قد ماتملي عقلك من افكار راح تحصدينها

ان رزعتي افكار سامة صدقيني حياتك كلها بتصير سموم

وعلى قد ماتمليها بتفاؤول وان بكره راح يكون افضل،، وهنا صدقيني وانا مجربتها لازم يكون عندك ايمان قوي يعني

تسلمين امرك لله رااح تشوفي كيف ينقلب حالك

فيه مشاكل يبيلها سعة بال ومشاكل يبيلها تطنيش ومشاكل يبيلها احتساب اجر

والحياة راح تمشي بس في نفس الوقت في اشياء مانختلف عليها يبيلها وقفه ورد اعتبار

واشياء تشوفيها وماتعجبك وتمرريها اكراما لخاطر بعض الناس

والا الناس مانتي مغيرتهم الا بريقك الحلو

في كاتب اجنبي يقول:

أفعالك ملك لك ,, أما كلامك فهو ملك للناس

تحياتي
*الماسة*
*الماسة* •
صادقة

بس عاد الله ياخذنى ماكملت الاربعين

لاتقولين علشان خوف من المرض

لكن ماودى اوصل للسن هذا
مو علشان اكبر وتعرفط لا علشان (زهقت )
موضة
موضة •
الله يجزاك خير بس قلتيها الناس مايخلون احد
تلقين نفسك مبتسمه وسواليف مع الناس وفجأءة الا بصاروخ شتم منصب عليك بسبب حقدهم وحسدهم