الله يعينك طيب هالمرره طولوا شوي لاتروحون لهم ورحى انتى سوى تعديلات بشكلك اصبغى وقصي واشترى جلابيات جديده ولزوجك واولادك واذا ودك غيري بقصات شعورهم واشترى هدايا على قد ماتقدرين وركزى عل الام وبناتها وخليكى كل ماتروحين متكشخة انتى وعيالك ومغيرة مرة بجلابية مرة بتنورة غجرية مرة بتنورة قصيرة مع بوت واول ماتدخلين تحبين ام زوجك على راسها واسلي وين البنات واذا ماكنتى جريئة تدربي على الكلام في بيتك قبل تجينهم وبعدين لما تغيرين مظهرك انت وعيالك بيحسون ان فيه شئ صاير بحياتكم او انكم طايحين عل كنز وتلاقين الكل ينافق لكم غير كذا كل شوى اسالي عن البنات واما تتكلمى كونى هادئة وواثقة واسال الجميع عن حاله حتى وان لم يبادلوك وان اتيت لهم لاتجين يدك خالية ابدن مرة هديه ومرة حلويات ومرة قطع قماش ال ان تكسبيهم ترى اليد الناشفة محد يبيها غير كذا قولى لعمتك امى واهلى دايم يسالون عنك وحاولى انك تخلين امك كل فترة تكلم ام زوجك وتسلم عليها وتصرفي مثل زوجة اخو زوجك خليك كووووول وحاولى انك تزينين شغلات من عندك شوفي بقسم الاشغال اليدوية وسوي حاجة مرتبة وعطيها ام زوجك وقولى انا زينتها يعنى سوى افكار عشان تصيرين انتى محور حديث الجميع واذا ماعندك سوالف او مالك علاقات ادخلى هالمواقع وشوفي سوالف بنات حواء ونكتهم وتعليقاتهم وحركاتهم وقولى ياخالة ماشفتى صديقتى سوت كذا يعنى اعتبري البنات صديقات ومن هالسوالف عشان تصير جلستك ماتنمل ولاتحقدين على احد ولاتغارين وخلي قلبك نظيف ودائما خلى للناس عندك اعذار وانتبهي تغثين زوجك لاانو واضح انو يعزك بس انتى الله يهداك حاطته بين نارين غير كذا لما تكونين في ديرتك كلمى على ام زوجك وخلى ولده يكلمه وعطى اطفالك يكلمونها ودايم هى وبناتها لاتنسينهم لا من الاتصالات ولا الهدايا واذا ماعندك فلوس ترى بارك الله بابو ريالين شئ صراحه خليكى مرنة واذا جلستى معاهن صبي لهن قهوة وارسلى لهن مع زوجك او السواق او اى احد يجيب لك حلى او بيبسي او فشار او حب اي 0شئ مسلي ورخيص عشان تتسلون فيه حتى لو كنتى في بيتهن وتوك جايه من السفر معليش اضغطى على نفسك مرة مرتين عشرمرات وراح يتحسنون معاك وشوفى بعدها كيف يغلونك ويعزونك بس سوى زى ماقلت لك ولاتتكاسلين والا تقولين مااقدر ترى كل شئ مع التعود والتدريب يصير حتى لو وانتى في بيتك تتدربي والله يوفقك

انا نصيحتي لك خلي علاقتك رسميه وبالحسنى واللي يعاملك بنيه شينه
صدقيني راح ترجعله وانتي مو مجبوره تخلينهم يحبونك اهم شي يحترمونك
واكسبي بالنهايه حب زوجك لانه ماله ذنب باللي يسون اهله ولو تستمرين بالكلام
ماراح توصلين لنتيجه هذولا اهله والله يفرج همك وترا الدنيا ما تسوى
بالاخر نهاية كل انسان الموت وما راح ينفعك الا عملك وبس مو حبهم او كرههم

انا رايي من راي انمي

شوفي عزيزتي حكايه انك تقطعينهم هاذي صعبه حتى لو ايدك زوجك لانهم اهله واهل عيالك مستحيل ينقطعون عنك بعدين تأثمين انك تقطعين زوجك عن امه واولادك اذا عندك اولاد
الشي الثاني انتي قريبه واخت زوج وحده من بناتهم طبيعي ترى انهم يهابون الثانيه لانها غريبه وبعد شخصيتها قويه
وانتي بنت عمهم عارفينك وعارفين طبعك واكيد انتي تحاولين تثيرين انتباههم لك بالسوالف عن نفسك ولا عن زوجك فيمونون عليك اكثر ولا ينتظرون منك جديد يعني منتي غامضه ولا يدرون وش وراك شوفي سلفتك كيف تعاملهم ممكن انها راعيه فزعه وتدهر فيهم بس حاطه لهم حدود ولا يعرفون لها قرار
انا ماادري صرت اتصور هاشي من خلا ل كلامك
فنصيحتي اختي لا تتلصقين بهم اكثر والهدايا بالمعقول يعني الواجب عليك
ولا تحاولين تسوين علاقات جانبيه وترمين روحك عليهم ترى بيلعبون فيك شوي ويرمونك الناس تقدر الواحد العزيز نفس
وحاولي انك تغيري من طريقه كلامك معهم
وزوجك لاتدوشين راسه بسوالفك مع اهله ترى بتطيحين من عينه ويبي يحس ان الناس تقدر تأثر فيك بدرجه كبيره
سوري كنت قاسيه معك بس لمصلحتك

الله يكون بعونك