ممكن توجهوني للطريق الصحيح ارجوكم ادخلو احتاجكم

بنات يسعد صباحكم \مسائكم
انا متملكه يابنات وملكتي كانت بالدس ولاحد درى من اجماعتنا الا القليل وبعد وقت.... لان جدتي ام ابوي رفضت اني اتزوج هالرجال وهو ولد خالتي تبيني لولد عمي الي هو ولد ولدها وانا مابيه المهم جدي وافق على الرجال >علما بأني يتيمه وعمي متزوج امي ومربينا من صغر ولاكن تعرفون ولاية الاعمام <<الله كريم المهم
جدتي لزمت الا انه والله مايتملك عليها وهم الصراحه شاوروني ووافقت عليه وامي وافقت واخوي راضي به وحطو ملكه بالدس وبعدين الرجال يوم شاف ان جدتي ماتبيه لي وانا وافقنا عليه رغم امي الي ممهده له الطريق تصير خالته وتعلمه رح لفلانه وكلم علان لانه كان دايم يتصل عليها ويسال كان يخاف اانه يردونه وامي تحبه وحسبت ولدها ووقفت معه المهم الرجال عقب ماتملك وهو مختلف صار يتشرط يبي العرس باستراحه يذبح ذبيحه وياخذني ولايبيه الا عرس رجال وغير كذا ما جاب شبكه ولاشي وامي حز بخاطرها تقول انو هذا جزاتي اللي اعينه واساعده ومعطيته بنتي ويبي عرس بنتي بهالطريقه ليه بنتي بايره ولاارمله ولا مطلقه عشان يحطلها كذا وراحو خالاتي يكلمونه انو مش معقوله الي بيسويه لانهم يمونون عليه وقال ليش الخساير بعدين انا ماعندي احد يعنيني وابوي واخوي مايبون اصلا اسوي عرس ولاراح اخسر اخوي وابوي عشان زواج وامي تعبت من هالموضوع وانا انكسر خاطري غير اني تمرمطة مع هالعم زوج امي... محرومه من فرحة زواجي اللي لاملكه زي الناس ولاشبكه ولافرحه ووغير كذ صغيره بالسن ويبيها كذا ليش هي الدعوى فرحه ووناسه وغير كذا ماجاب المهر للحين وهو يبيه بشهر ثلاثه وتخبرون ثلاثه قرب ولايمديني ومرات يقول لا مدري اشوف ماجاني للحين فلوس كل شوي طالع بسالفه ولعاب حتى خالتي الثانيه يوم كلمت امه قالت منتم معطين البنت شبكه قالت لاوشهوله الخساير يكفيها خمسين الف ...الصراحه يابنات انا مايهمني شبكه وغيره انا لي يهمي اني انامافرحت ولاحسيت باني متزوجه دايم كل فرحه لي مكسوره يعني لاملكه ولافرحه مع الاه ولاحتى زواج تفرح امي فيني فيه وتتجهز عشانه وتتحمس لهاليوم وتشوف الناس ملتمه ومجتمعه على عرس بنتها بالله اكيد فيكم اللي امهات تترضون انو بناتكم يتزوجو بهالطريقه ؟؟؟ ماتو الي يسوو كذا الناس تطورت حتى اطفر واحد صار يسوي عرس ويفرح لنفسه هو وزوجته قبل الناس .....
ادري طولت عليكم ولاكن الصراحه لي ايام تعبانه ومجروحه من داخلي ومادري وش السوات هل ارضى بالعرس بهالطريقه واخسر راحت قلبي ولااخسرهم واكسب راحت نفسي ؟؟
عطوني ارائكم