جرح طاهر333 @grh_tahr333

عضوة جديدة

ممكن توصل الغيره بين السلايف الى سحر (حسبي الله ارجوا التفاعل )

السلام عليكم
انا بأبدأ قصتي وانتم احكموا لانها طويله بأختصر الكلام
انا اكتب قصتي وانا ابكي:44: والله لكن اتمنى تسمعوني وتدعون
معي على من كانت السبب من قلب حسبي الله ونعم الوكيل حسب كل كافي فيها
انا ولله الحمد مو مدح فيني لا والله من عايله ملتزمه وطيبه لابعد درجه
احب اضحي بنفسي لسعاده غيري تزوجت من زوج يحبني بجنون عرضت
عليه امه واخواته الزواج من بنات خاله اوعمه ولكنه رفض بشده بالرغم من كل المحاولات
فقد حاولت اخته ان تغير نظرته بأن قامت بأدخال بنت خاله عليه فجأه وهو لايدري
لكنه تضايق من فعلها وانه لايمكن تغيير رايه لانه عاش مع خاله شقيق امه الوحيد ويعرفهم كثيرا
ويعرف تصرفاتهم وحركاتهم وسبحان الله شاء الله ان يكون من نصيبي وكان الكل يحسدني عليه
لانه من عايله معروفه في القريه اللي اعيش فيها وغنيه والكل يتمناه هذا عرفته
بعد زواجي من اخواته وصحباتهم اما بنت خاله اللي خرجتها اخته له تزوجها اخوه الصغير وتزوجنا
انا وياها في نفس اليوم
المهم تزوجت وكنت بفضل الله سعيده معه ومع اهله وخاصه اني
حبيت اهله وحبوني وسرت منهم وفيهم وانا ماكنت اقصر معهم في كل شئ بعكس بنت خاله كانت مثل
الغريبه في تعاملها معهم وكان زواجها طمع فيهم ام زوجي قالت لي لانها زي ماقلت ارتاحت لي وكنت مثل
بنتها كاانت تقول قبل الزواج كانت تجيني كثييير وتتودد لي وتكلمني كل اسبوع كنت اقول وش هالمحبه اللي جات فجأه
بس مافكرت ان تفكيرها بعيد تمسكنت حتى تمكنت تقول كانت طيبه ومن طيبتها عجبتني وزوجتها ولدي
المهم كانت في نفس سني وبعد الزواج درسنا سوا في كليه وحده وانا كنت غريبه لاني قبل الزواج اسكن
بمدينه اخرى وهي لها زميلاتها وكانت تقربني منهم عشان ارتاح لهم
وياخذون اسراري الخاصه جدا وانا زي ماقلت كنت على نياتي اقول لهم ماجا في بالي ولا 1في الميه
انها ورا كل شئ سارت مشاكل وعداوه بيننا وكانت هي السبب وايضا كانت معروفه بالغيره الشدييييده
مني وها الكلام مو من عندي من وحده من زميلاتها بعد ماسارت مشكله بينهم قالت كل شئ وحذرتني منها
وكنت لاابالي يوم يومين وانسى كل شئ من طيبتي بدأت شوي شوي سارت تغار من محبة اخواته وامه لي حاولت تزرع بيننا
الشر كانت تقول عمتي تقول فيك كذا وكذا وهي تضحك في وجهك وتسب من وراك وتقول بالله لاتعلمين
طبعا انا من محبتي فيهم ماسكت صارحتهم والله عمتى اللي هي اخت ابوها سارت تبكي ماصدقت طبعا ماقلت لزوجي بس
وانا اكلم عمتي سمع وعاد زوجي يكرهها ماسكت لها فشلها قدام زوجها بس زوجها ولاكأنه سمع ولا كأنها امه وهي تحلف بالمصحف الله ينتقم منها قدام عمتي
وزوجها اني كذابه واني انا اللي احاول تفرقتهم بكييييت كثير وقلت يجيك يوم المهم حملنا مع بعض هي سقطت وانا لا جبت لهم ولد
ماتصدقون كيف فرحوا فيه كلهم وخاصه ابو زوجي وامه والهدايا بالهبل وسابع وسميته
بأسم عمي اللي هو نفس اسم ابوي وهي كانت تحمل الحقد والحسد لي لدرجة انه في عقيقة ولدي لم تحضر وكانت عقيقته كبيره حضرها
الكثير وبعد سنه حملت بولدي الثاني وهي حملت ببنت كانت تتوقع مثلي لكن على قولة عمتي الولد غير
وماسووا لها سابع بس ذبحوا وقسموها طبعا هي بدات بالحقد علي وخاصه ان عندي ولدين وكان للثاني مثل الاول وكان ابو زوجي مايقصر
على اولادي وياخذهم معاه للسوق وخاصه انه يحب الاولاد وعمتي جابت 4بنات في البدايه وكان بيتزوج عليها بعدين جابت الاولاد
وكنت محبوبه لكل اقارب زوجي وخاصه زوجي وكان زوجي يبين لهم محبته لي ويناديني باسم الدلع حتى قدام اخوانه
وهي تسمع وبعد كم يوم خلت زوجها يفعل مثل مافعل زوجي كانت تقلدني
في كل شئ كانت تحمل وتحمل الحقد وفكرت كيف تخرب سعادتي مع زوجي فلم تجد الا طريقه وحده
انها تظهر بكامل زينتها وبقميص النوم المفتوح شوفوا كيف يوصل الحقد وخاصه انا نسكن في بيت واحد في مكان ثاني غير
البيت الاصلي اللي لكل وحده دور هذا في مدينه ثانيه فقط وقت الاجازات كان لكل وحده غرفه نوم فقط
كنت انا وزوجي وحدنا في البيت كلهم برا رجعنا من الاستراحه كان وقتها عيد وكنت اول من رجع
بطلب من زوجي عشان ناخذ راحتنا ومادرينا انهم مشوا بعدنا على طول جلسنا بالصاله نضحك ونسولف وكان عالصاله ستاره وكمان
على كل غرفه من غرفنا وكان المطبخ مقابل الصاله وزوجي فيها رحت المطبخ
اجيب له العصير وماحسيت الا هي جنبي لاسلام ولا استئذان ولا كلام لا وبعد بلبس النوم متى امداك تلبسينه توهم دخلوا والمشكله بس
دخلت وخرجت ماعندها شئ وانا انصدمت وعلى طول اطالع بالصاله ويدي على قلبي لكن شاء الله ان يخيب
املها اللي ماتخاف الله شاء الله ان زوجي يدخل الحمام اكرمكم الله وهي استنت استنت ويئست وراحت انا ولا كلمه انصدمت خرج زوجي وانا متضايقه
مرره ومالي نفس وابكي اشفيك اشفيك وانا اقول ولا شئ جلست فتره اكرهها على تصرفها ولكن قلت في نفسي
يمكن ماتدري مع اني متيقنه انها متعمده ليش لانه موعادتها لازم تقول فيه احد وتقول سكروا الستاره ابي المطبخ وهي تعرف وسمعت ان
زوجي بالصاله لان زوجي صوته عالي المهم قلت يالله يابنت عديها اهم شئ ماشافها واللي خلاني اتأكد
محاولاتها الكثيره للخروج بالصدفه على قولها وبكامل زينتها سار زوجي يتأذى منها والله هو قاله لي قال
هذي ماتستحيدخلت علينا انا واخواني والمشكله زوجها معاهم عشان تعطيهم الغدا تقول احسب بس زوجي عذر اقبح من ذنب مسويه غدا لهم
وتقول احسبه وحده كنت احس بحركاتها بس بيني وبين نفسي اتحسب عليها جاني منها الكثير والكثير لو اكتب بيطول الكلام
ماهنتني عيشتي كانت تتفرح فيه تنبسط اذا سمعت ان فيه مشكله
بيني وبينه تعبت وساربيني وبين زوجي مشاكل في البيت وبس يخرج يحلف انه يبكي
ويشتاق لي ويتندم ومشاكل تافهه سبحان الله على قول امي اللي محسود يشوف حاسده في المنام كثير و
وكان الشيخ يفسرها بحسد واخذت من اثرها اول مره تعبت بس ماراح رجعت للشيخ
قال حسد قوي لازم اكثر من مره ياما تعبت وبكيت ومره انحرق وجهي قدام عينها والله والله كان بقي
كم يوم ويجي العيد كانت بس تسال بطريقه غير مباشره عن كريم الاساس وانا ولله الحمد
اي شئ يناسبني وهي على قوله ماخلت
دكتور جلديه ولا كريمات بس تقول ماناسبها وبعدها والله على طول حمر وجهي بشكل فضيع
وسارت البقع على بني وانا ابكي هي شافتني وبدات تعطيني كريم للحروق استخدمت كل الكريمات من الصيدليه
ومانفع لين الله هداني اخذ من اثرها وسبحان الله برد وجهي واختفى بفضل الله
وهي كيف وش سويتي قلت رحت لدكتوره المهم ياما وياما جاني اخر مره حلمت بحلم فسره الشيخ بانه
وضع لي سحر مأكول في اكل مرسول من امرءه خبيثه عدوه لي ولكن قال الله انجاك منه
كانت ترسل اكل وحلى بس حصل مشاكل اخر الايام سرنا مانتقابل بالشهور الا عند عمتي
بس كنت مسويه رجيم مااكلت لكن حسبي الله عليها
اللي ابغى اعرفه ممكن يوصل الحقد والكراهيه لبعض الحريم انها تسوي الحرام وبعد تكفر مااصدق انها تكون
انسانه ابدا انتم قريتم قصتي ابغاكم تحكمون حاولت اكثر من مره اسامح وانسى وهي حاولت وانا قبلت
بس شويه وترجع لحركاتها وحقدها بس قررت يكون بس بيني وبينها سلام فقط خوفا على نفسي مع العلم
اني مو اول وحده تشكي منها حتى عمتها وكثير اعرفهم اش رايكم قصه ولا بالخيال ولا تصدقون ان فيه
ناس تجردوا من الانسانيه وكله بسبب الغيره والحسد ادعوا معي ان الله يكفيني شرها ويبعدها
عن زوجي بغير حول ولاقوه مني واحب اقول كلمه لكل من تفعل فعلتها خافي ربك قبل كل شئ ولايسير همك نفسك وبس واعلمي ان الله يعلم بكل ماتفعلينه ولكن انتقامه قريب واذاماانتقم منك في الدنيا بينتقم منك في الاخره خافي ربك ووالله من كثر ماادعي عليها الله انتقم منها في زوجها سارهو اللي يحاول يشوفني ويتعمد يشوفني والمشكله انه ملتزم والله اللي خلقني ماكذبت في كلمه لكن عشان الوحده ماتحس الا اا صار لها مثل غيرها:mad: لكن من باب النصيحه ولاتجي وحده تقول مبسوطه لاوالله اني ان شاء الله اخاف ربي بس كيف اسوي المشكله مقدر اقول لزوجي بيسير مشكله لكن ادعي ان الله يبعده عني ويبعدها عني
الله يسعدكم ريحوني وقولوا كيف اتصرف بس لاتطنشون كتبت قبل هالمره لكن مالقيت تفاعل :44: واللي عندها نفس قصتي تكتبها لعل وعسى يحسون

اعذروني اا ماقدرت ارد عدد مشاركاتي ماتسمح واللي تسال اهله مايدرون عنها مستحيل يصدقوني مهما كانت تضل قريبتهم وانا البعيده

يلزم عليك تسجيل الدخول أولًا لكتابة تعليق.

تسجيل دخول

جرح طاهر333 • 14 سنة

رفع

جـنـون الـورد • 14 سنة

حسبي الله ونعم الوكيل عليها
انتبهي حبيبتي لاتاكلين من اي شي تجيبه هذي بنت ماتخاف الله
وزوجك واهله يدرون انها سوت سحر لك بس ماكلتيه؟

كشتي حلوة • 14 سنة

لاحول ولاقوة لابالله

أمــــ💗ــــل • 14 سنة

ممكن توصل الغيرة بين السلايف لسحر
وأنا أعرف وحدة تأذت بشكل كبير من سلفتها
المهم في يوم كان عندها عزيمة وسلفتها دخلت غرفتها
وهي جت وراها قالت بنوم بنتي
وكانت واقفة في وسط الغرفة وشايلة بنتها

وبعد هذا الموقف لقت بلوزتين من بلايزها مقصوص منها أجزاء بالمقص بشكل واضح جدا
وما جمعت لكن بعدها بشهر دخلت في دوامة من المشكلات والاختلافات مع زوجها توصل أحيانا لحد الضرب
وحياتها حتى الآن غريبة ما تنام مع زوجها في فراش واحد إلا نادرا
وأهل زوجها قلبوا عليها بعدما كانوا يشوفونها ملاك
وبدأ يخالجها الشك إن سلفتها سوت شي كبير بالذات إنها شافتها في حلم مزعج

عموما الله يحميك حصني نفسك وبيتك وولدك
والله يكفينا جميعا شر الحاسدين والحاقدين ويحمي بيوت المسلمين من أهل السحر والشعوذة

كليوبآترآ • 14 سنة

يمه الله يعاينك الواحد لم يقراء مثل هذا القصص يكره الزواج ..
طيب قولي لزوجك تطلعووو في بيت بروحكم احسن وتريح راسك..
سبحان الله يصبرك وينصرك عليها سبحان في بشر تستغرب منها تحسي انهم مخلوقين من جامد مايحسوو...
ياقلبي شغلي الرقيه واستودعي ربك على زواجك وعيالك ..
وعلى قد ماتقدري لاتحتكي فيها...
ولاتنسي الله يمهل ولايهمل وبكره راح تلقها ...
صدق ان كيدهن للعظيم..
الله يكفيك شرها يارب ويرد كيدها في نحرها..
بالله ادعي لامي ان ربها يفك السحر الي ماسويتها مرت عمي..
والله ان السحر عن بعض الحريم موغريب شوفي مرت عمي شنو سوت لامي ..
وربي ماخلينا شيخ غير ويقوول سحر يعني لاتستغربي منها شي ...
الله يستر عليك ويبعد عنك بنات الحرام وكل تصرفتها تدل انها تغار منك وشكله كانت تحب زوجك ولا لانهم يهتموو فيك اكثر منها...