ممكن توضحين لي كيف تتعاملون بالبيت مع الشغالة ؟

ومن قال لك هذا هو نظام جميع العماله عندنا مهما كان هم بشر انا خدامتي ماتقوم الا من تسع وفيها وانا اللي اجهز الفطور لحالي الصبح وهي نايمه وانا اللي اطبخ الغداء والعشاء هي بس تنظف البيت مره وحده باليوم وغسيل الحمامات مره \وحده باليوم يالحبيبه اصابع يدك موب وحده واللي يضطر يقومها الفجر اكيد انها تقيل الضحى او العصر او تنام بالليل من 8 مساء وهي عموما جايه تبي شغل لان الخدامه اذا ماشغلتيها اشغلتك الله يكفينا شرهم

هذا شغلها

هي ماجت الا عشان كذا

هي ماجت الا عشان تكنس وتنظف وتغسل

واصحح لك راتبها 800 مو 600

الاهم هو المعامله الطيبة لا ضرب ولا شتم ولا اهانة وماكل طيب وملبس طيب وملابس دافئه في هالشتاء

واذا مرضت ادويه ومستشفيات

واكلها وشربها والشامبو والمعجون و و و كله على حسابنا

هي متفرغة تماما لشغل البيت

لازواج ولا ولد ولا اهل ؟

يعني انا وراي دوام وزوج وعيال واهل ومناسبات وزيارات اقولها ارتاحي لا تشتغلين انا بشتغل عنك ؟


عــجـــبي !

المعذرة يا عزيزتي لكن حسب علمي كلامك فيه مبالغة وااااااااااااااجد
أعتقد إن الشغالة كافيها غسيل الصحون ودورات المياه أكرمكم الله وتمسيح الأرضيات
وغسل ملابس العيال- بس العيال-والكي والترتيب أما غير كذا فصاحبة البيت هي المسؤلة أولا وأخيرا
طبخ, مذاكرة للعيال , ولبسهم ,مسؤليات الزوج كلها يفترض ألا يكون للخادمة شأن فيها
والمتابعة اليومية للوازم المنزل ومتطلبات الأسرة ....إضافة إلى عملها إذا كانت موظفة ..
وبالنسبة لي يوميا أقوم قبل الشغالة وأفطر عيالي بعدين أقومها
والله يمر عليها أوقات تطفش من كثر الجلوس والفراغ لأن شقتي صغيرة وبسرعة تخلص شغلها
يعني يا بخت الشغالة إلي تجي عندي ( قولوووووووووووا ماشاء الله تبارك الله )
ومع هذا كله مالي حظ مع الشغالات يا ما جبت وسفرت .... بس الله يعين

الصراحه انتي تبالغين وبقوه بعد

انا لي 7 سنين متزوجه ومر علي 3 خدامات وماعمري سويت فيهم ربع الي تسوي بخدامتك

تراها ادميه ممثلها مثلك

انا خدامتي تنام بالليل اذا نامت بنتي الصغيره يعني اكثر الأحيان 11 نايمه وماعمري صحيتها بالليل لو ايش مايكون

والصبح تقوم على 10 او اذا قامت بنتي الصغيره قامت معها

وتطبخ الغداء والعشاء اكثر الأحيان انا اسويه

اكيد تنظف البيت من الألف الى الياء

لكن تغسل السياره وتجيب الجزمه وتجمع الكتب هذه ماسمعتها الا منك انت

المهم انك تعامليها بما يرضي الله وتخافي الله فيها

والراتب 600 هذا قبل الحين 800 ويالله يعجبهم

خافي الله في شغالتك لا يبلاكي الله

صارت آلة