ممكن حد يقنعني

أنا مشكلتي هي نفس مشكلة 80% من بنات المنتدي و هي إكتشافي لخيانة جوزي
هو مش أنا إللي غكتشفت بالظبط لأ هو إللي إعترفلي
هو عرف واحدة و كانت علاقة حرام و كمان متجوزة و عندها طفليين
و لما قرر ينهي العلاقة دي علشان فاق و ضميرة أنبة لأنة عندنا بنتيين . القذرة دي مش سابتة في حالو وفضلت تذلة إنها هتقوللي و فعلا كانت بتكلمني علطول و طبعا أنا مكنتش عارفة ميين دي إللي بتتصل بيا تشتمني و تهينني و تحاول تحسسنني إن جوزي دة انا مخدوعة فية و غنة مش محترم و بتاع ستات

أنا عمري ما صدقت من الكلام دة أبدا و كنت بحكيلة علية علي إنهم ناس بيحاولوا يوقعوا بينا علشان يخربوا علينا و خصوصا إن في مشاكل بيني و بين أهلة فكان بيجي في بالي إنها محاولات منهم للخراب و بس .
بس بمرور الوقت و كنت شايفاة حالتة الصحية بتتدهور و فقد وزنة بشكل ملحوظ جدا لدرجة غن في ناس تصورت إن عندة السكر حتي وشة بقي زي الراجل العجوز . بقيت احس إنة خايف من حاجة إني أعرفها
لما إستدرجتة ووعدتة إنة هسامحة بس يقوللي لو في حاجة مخبيها . قاللي إنة كان علي علاقة بالست دي و لما قرر ينهيها بقت تهددة إنها هتفضحة ,,
طبعا الدنيا كلها لفت بيا كنت متخيلة أسمع أي حاجة تانية إلا الخيانة و مش أي خيانة ...أنا لأسوأ الظروف و رغم إستحالة تصوري غني اسامح حتي مجرد تخيل . لأني بصراحة مش متسامحة بطبعي للأسف حتي في الأمور التافهة , فما بالكم بالخيانة

طبعا إنهرت و طلبت منة يمشي بعيد عني انا و بناتي و شفت منة كل محاولات الإعتذار و الندم و الدموع و الكسرة حتي قدام الناس مش فارق معاة و عندة إستعداد يبوس إيدة و رجلي قدام كل الناس لو دة في رد لإعتباري

المشكلة الحقيقية إني أنا كل دة ميعوضنيش حاجة عن إللي مات جوايا في ثانية ما إعترف
مش حاسة بحب ناحيتة خلاص بالعكس أحيانا بحس بكرة شديد و قرف و علي الرغم من إنة الموضوع مر علية 7 شهور من معرفتي بس لسة إحساسي بالجرح زي ما هو . ممكن أروق ساعة و أنهار تاني أسابيع , مش قادرة امنع إحتقاري ليية
و إنة في فترة من الفترات أنا هنت علية كدة مرة و إتنيين و 3 و كتيير و إنة ضميرة و دينة و أخلاقة سمحولة إنة يطعن راجل تاني في شرفة و يواعد مراتة و يعمل معاها علاقة كل دة لما بفتكرة بحس بغثيان منة و أحيانا أستغفر الله بتمني له الموت
علي الرغم من إنة لحد دلوقتي بيبدي ندمة علي الرغم من إني معملتش فية شوية ومن إهانات و تطاول و كل حاجة علشان اطفي ناري و هو إستحمل و لسة مستحمل . بس أنا زي ما أنا

يارب





06-05-2008, 07:37 2
global
عضوة جديدة


التسجيل 14-06-2006
البلد : السعوووووووووودية
المشاركات 95
انصحك لوجه الله سبحانه وتعالى ساعدي زوجك على التوبة اذا هو تاب ولاتدخلي الشيطان بينكم فيصبح لدية فراغ ويرجع لما كان علية ليبحث عن الحب والاحتوا العاطفي هذا زوجك انتي من حقك وليس من حق احد غيرك اخذة فحافظي علية بما يرضي الله ورسوله








06-05-2008, 08:15 3
بنت الـــــــــعرب
عضوة فعالة
التسجيل 10-02-2008
المشاركات 677
اختي ساعديه على التويه

يمكن تاب

وعفى اله عما سلف ومهما كان هذا زوجك وابو عيالك واعترفلك يعني تاب

مع ان عقابه بصراحه الرجم حتى الموت


المفروض يموت لان هذا الحكم الشرعي فيه









06-05-2008, 08:35 5
نوور المستقبل
عضوة نشيطة


التسجيل 07-04-2008
البلد : المانيا
المشاركات 336
انا كمان برأي انك تساعدي زوجك على التوبة مش تنفريه

واسألي اي شيخ يكون ثقة واحكي له اللي حصل بس لا تقولي انه زوجك قولي واحدة من صديقاتي حصل معها كذا كذا

وشوفي ايش بيرد عليك

اعتقد هذا بيريح عليك وبتعرفي كيف تتصرفي

واستري زوجك ولا تفضحيه طالما ربك ساتره

وحسابه عند الله مش عندك

اتمنى تقبلي كلامي بصدر رحب



06-05-2008, 08:52 6
nemo2
عضوة جديدة
التسجيل 22-05-2007
المشاركات 35
شكرا لردك أختي Global و نور المستقبل

و شكرا علي ردك بنت العرب علي الرغم من إنة واقعي و حقيقي بس قاسي أوي إن اسمعة





06-05-2008, 09:08 7
khkhkh
عضوة جديدة
التسجيل 03-01-2008
المشاركات 30
اختي العفوا عند المقدر اتمني ان تقفي بجانب زوجك وهو عرف خطاهو واعتزر لك




06-05-2008, 09:13 8
بريق المااااس
عضوة جديدة
التسجيل 31-03-2008
المشاركات 18
علشان العيال لازم تفكري مره واثنين وثلاثه ان الله هو الغفار فكيف بالبشر



06-05-2008, 09:29 9
هنادي208
عضوة جديدة
التسجيل 18-03-2008
المشاركات 39
اختي كان الله في عونك
والله مشكلتك مثل مشكلتي بل انا اسوأ تعرفي ليش
لاني في غربة معاه وهو خانني بدون ما يحترم غربتي ووحدتي
وهذا حصل من ثلاث سنوات وللان مانسيت
ولا يمكن انسى
بس هو تاب وانا عندي طفلين يحبوا ابوهم وهو حنون وكريم معاهم
فعشان اولادي استمريت معاه لكن اشترطت عليه انها اخر فرصة له ولو تكررت خيانته لا يلوم الا نفسه
وما اخبي عليك دائما اتذكر ومقهورة وفي كل مرة نتشاجر فيها اذكره بخيانته
الطلاق صعب وحرام اقهر امي الطيبة بفشلي في زواجي
فصبرت وبلعت حسرتي ودمعتي وقلت حسبي الله ونعم الوكيل
روحي عند اهلك اجلسي فترة حسسيه انك مجروحة وما تريدي تشوفيه وبعد فترة لما يجي هو روحي بيتك يابنت الناس وفوضي امرك لله
والله وحده يداوي جرحك وجرحي وجرح ملايين الزوجات مثلنا
والله الموفق





06-05-2008, 09:43 10
وجدوحنين
محررة في عالم حواء


التسجيل 23-07-2007
البلد : في قلب العالم
المشاركات 1,700
الله يصبرك حبيبتي وانتي الان تحت تأثير الصدمه سامحيه وانسي عشان بناتك وهو خلاص تاب وانتهى الامر