ممكن حل لتساقط الشعر

بسم الله الرحمن الرحيم

<< متحمسه

شخبارك اختي جداويه ان شاء الله تمام

المهم بالنسبه للتساقط انا عانيت من هالمشكله من سنه تقريبا وجتني فجأه وشي يخوف

رحت لـ 3 طبيبات جلديه واخذت علاجات ياكثرها وبديت اقرى بهالمجال بشكل موسع

يعني بعد كم اسبوع بصير دكتورة شعر رأس هع هع

بالبدايه اولا واخيرا توكلي على الله وخلك واثقه ان ما أخذ شي الا وبيعوضك باحسن منه وكل شي من الله خير للانسان وهو اعلم بكل شي

بالنسبه للتساقط له اسباب كثيره وكل اللي عليك تعرفين السبب واذا عرف السبب بطل العجب والسبب راح يكون بفترة 3 اسابيع او كم شهر قبل تساقط الشعره يعني افتحي الارشيف
واكتشفي

1- نفسيا نفسيا نفسيا وحطي تحتها عشر خطوط كثرة التفكير والنفسيه الكئيبه تسوي بلاوي بالجسم واقل شي تسويه تساقط الشعر

2- سوء التغذيه وفقر الدم سبب رئيسي لتساقط الشعر

3- القشره وعمايلها وهذي تسبب تساقط مزمن لو اهملتيها وخليتيها مزمنه

4- قلة النوم او عدم الانتظام بالنوم سبب بتساقط الشعر

5- ضعف النظر يأثر بتساقط الشعر

6- عامل الوراثه وهذا اصعب شي بس هذا تبع التساقط الشديد جدا

طيب وشو اللي عليك تسوينه عشان يوقف التساقط

1- اعالج السبب : يعني حاولي ماتفكرين كثير ولا تشيلين هم شي وشاركي احد بهمومك عشان يخف عبئها عليك ولو كان من سوء التغذيه حاولي تسوين نظام متكامل باكلك والفواكه والخضار اللي لونها اخضر غامق مفيده كثير للشعر يعني بالعربي كثري الجرجير

2- اروح لطبيب جلديه عشان اتأكد انو مافي مشاكل بفروة الرأس ولاعندي فقر دم ولا غيرها
ولو كان فيه اي مشكله راح تعطيك العلاج الدكتوره وباذن الواحد الاحد راح تتعالج المشكله

3- علاج الاعشاب وغيرها ممكن تنفع في حالة التساقط وممكن تخففه منها :
-تاخذين زعتر ورق وتغلينه مع ماي بعدين تخلينه على جنب لمدة 8 ساعات واكثر بعدها لما تجين تاخذين الشور تاخذين بس الماي حق الزعتر ( تصفينه من الورق ) وتشطفين شعرك فيه

- الزيوت احيانا ماتناسب الشعر واذا كان الشعر يتساقط بقوه ممكن تكون الشعره ضعيفه ومع الزيت يخليها تطيح فانتي لو جربتي زيت اسبوع يوم وترك ولاحظتي بالاسبوع الثاني ان الشعر المتساقط مازال يطيح وبكميه كبيره توقفي عن الزيت وابعديه لانه احتمال مايكون مناسب لك

- حاولي كل يوم تسوين مساج لشعرك براحة يدك مجرد تحريك لفروة الرأس لمدة خمس دقائق او اكثر ..



اتوقف هنا عندي اشيا كثيره اقولها بس لازم نعرف سبب المشكله قبل :)

تحياتي لك واتمنى من اللي استفادت تدعي لي :)

نفس المعاناه..!! :(
إذا لقيتي حل لاتنسيني..!؟

اذا كان شعرك دهني لاتستخدمين زيت
واول شي روحي وقصري شعرك وحاولي تقصينه كل شهر علشان يخف التساقط
بخاخ وشامبو زيت الأتات وايد زين
حبوب الخميره اذا ما عندج مشكله بالقولون بعد زينه
بس انصحج من الرقيه والذهاب للطبيب والله احسن
وترى لو تسوين فحوصاتاحسن ساعات بعض الخلل بالغده الدرقيه او نقص الدم يسبب تساقط، يعني حتى لو استخدمتي احسن شامبو ما في فايده
الله يشافيك وترى انا اعاني من نفس المشكله من سنوات مومن فتره

Hi there
I tried the Hair acrinal ANP40 Ampoules.
They are really good for hair falling. I hope it will work with you

انا جربت منقوع الزعتر ....

شوية ماي اخليه يغلي ... بعدين احط شوية زعتر ( من العطار ) و اخليه يغلي لمدة ربع ساعه تقريبا بعدين اصفيه ( مثل الشاي بالضبط )

واحطه في زجاجة للرش ( مثل منظفات الزجاج ) و ارش فيه شعري وادلك شعري يوميا او اكثر من مرة باليوم

اللي لاحظته : الشعر ماعاد يتساقط .... الا 10-20 شعرة باليوم بس !!!

ولما تتركينها .. يرجع يتساقط الشعر

انا تركتها ... لان ريحة الزعتر تبين بعض الاحيان ... !

اتمنى البنات يفيدونج ....
بس اتوقع اهم شي النفسية و التغذية ... سوي تحليل دم وشوفي النتيجة

تحياتي :):):)