ممكن خدمة >>> اول طلب لي لا تخيبوني

اهلين اختي نورتي السعودية
عندك مرااااااااااكز كثيرة منها صحارىمول؛صحارى بلازا ؛المملكة؛الفيصلية؛الاندلس؛العليا مول؛خريص بلازا والهايبر ماركت التابع لة جيان؛العثيم مول
اتمنى اني افدتك والبنات ماراح يقصرون:23: :23:
رحلة موفقة عزيزتي

ما قصرت الاخت اندلس ذكرت لك الاماكن

سويته ..



بتنور الرياض بوجودك ...

بس انتي ما قلتي عن اشياء محدده تبغينها ..

انتي تبغين محلات تكون ضروري بالمجمعات ؟؟

عموما احلى سوقين عندنا هم الفيصليه والمملكه

وبعدين تجي بالمرتبه الثانيه صحاري والعليا مول ..

انتي تبغين مفروشات يعني اثاث ولا قصدك مفارش لسرير ؟؟

عموما الفيصليه فيها هارفي نيكلز بتلاقين فيه عطور ومكياج في الدور الاول

والدور الثاني بتلاقين فيه فساتين سهره وسبورات وتراه مخفض هذي الفتره

وعنده فساتين حلوه كثييير ..

الدور الي فوق بتلاقين فيه قهوه وملابس رجال ويعرض فيه فندي كم قطعة اثاث ..

وبتلاقين برضوه في الفيصليه من الجهه الثانيه السواني وبرضوه فيها عطور ومكياج وملابس

مثل الي عندكم في البحرين .. وعندهم محل اسمه ارتبل ( الراشد والريس ) عنده تيارات حلوه ..

اما المملكه فبتلاقين فيها دبنهامز فيه عطورات ومكياج وملابس داخليه ومفارش للاسره

وبعض اغراض البيت وبتلاقين فيه ملابس سبورات حلوه ..

بتطلعين الدور الاخير بتلاقينه لنساء فقط بتلاقين فيه ساكس افنيو فيه شنط وجزم ماركه

وبتلاقين فيه ملابس سهره وسبورات .. وكمان في نفس الدور بتلاقين محل لوليتا لمبيكا

انا مره احب هذي الماركه ويتلاقين عندهم القطع مخفض عليها كثييييير في ها الوقت ..

بس اغلب المحلات الي في اسواقنا موجوده عندكم في البحرين ..

لكن فيه عماير السركون كلها محلات صغيره تبيع فساتين سهره واغلبهم مخفضين ها الفتره

لكن اسعارهم مو رخيصه ..

روحي شارع العليا العام امسكه من اوله بتلاقين على امتداده محلات واسواق اغلبها حلوه ..

توصلين وترجعين بالسلامه ان شاء الله ..

..

زي ماقالت مفعوصه

امسكي شارع العليا من اوله وبتلقيد محلات مره حلوه

اشوف البنات يتكلمون عن مركز الموسى فيه محلات سهره مرتبه .. بس ماقد رحتله

وش بعد امممممممممم

تقريبا كل المحلات بتلقينها على شارع العليا

مشكورين كلكم بس خسارة سفرتنا تاجلت اسبوع لان الجوازات كانت منتهية بس بجيكم