السلام عليكم
بنات اهلي كانو عايشين بالقصيم
ومن سنه بس جو الرياض...عشان شغل اخوي بالرياض
مع انهم كانو مستانسين بالقصيم وبيتهم ملك
بس حسبي الله علي اخوي وزوجته جلست تزن علي راسه لين جابهم الرياض ورماهم في شقه صغيره
تخيلو امي وزوجة ابوي واخواني 10 في شقه
وزوجته في شقه لوحدها
المهم اول ماسكنا اختي في المتوسط صابها مرض نفسي وصارت تشوف حريم وناس يخنقونها ورجال معهم سكاكين عليها اثار دم
وتسمع اصوات وطول اليوم تصيح وحالتها حاله
وكان راسها يتحرك كنه كوره مره يمين ومره يسار وفمها ينفتح لحد ماتحسين ان فكها راح يطيح
وجلست علي هذا الحال 4 شهور
طبعا اخوي ماهتم فيها كان يقول هي كذابه وتتصنع
المهم اخذتها انا وزوجي ومن مستشفي لاخر وكم مره سهرت معها في الطواري الدكاتره قالو شي نفسي
اخذنها لاطبا نفسيين واخذت ادويه بس ماتغير شي
واخذتها امي لحرمه تعالج وقالت فتحه في الراس ومعه مس وعطتها ادويه
والحمد لله خفت بعد معانات 4 شهور
المشكله الحين ان اختي الثانيه تدرس في خامس صايره تسمع اصوات وتقول في ناس تمشي وراها وتناديها
وانا خايفه عليها
توقعون البيت فيه شي سحر او شي
توقعون مسكون
كمان فيه شي ثاني عندنا حمام في البيت اشوف اخواني الصغار يخفون يروحون له حتى ولدي 3 سنوات مايحب يروح له
قبل مايصير لختي الاوله المرض كانت جارتنا الي تحت وهي كمان قريبتنا كانت تقول لامي ان فيه واحد معروف بالحسد يقول كيف اجتمعت العايله الكبيره هذي في شقه وقالت ل امي الله يستر عليكم لا يصير لكم شي لانه حسود وبقوه
شي ثاني زوجة اخوي في الشقه الي قدامهم ولا صار لها اي شي
طبعا هي واخوي مقاطعينا
وهي واخوي ليل نهار في بيت امها
الي هو قدام بيتنا تمام
وكل مانقول لاخوي غير الشقه يقول مامعي فلوس استاجر لكم
واذا قلنا رجعنا ببيتنا في القصيم يقول
ماحب القصيم وماراح ارجعكم
اشريكم انتم بالي يصير
وتتوقعون في احد حاط سحر لاهلي
او هذا جن في البيت
عصفورة القصيم @aasfor_alksym
عضوة نشيطة
يلزم عليك تسجيل الدخول أولًا لكتابة تعليق.
reemo86
•
الله يصلح احوالنا جميعا
كان الله بعونكم جربوا تشغلون سورة البقرة كامله
وتحصنوا بالأذكار والأدعيه والرقيه الشرعيه
وأهم شيء المداومه وفرج الله عليكم
وتحصنوا بالأذكار والأدعيه والرقيه الشرعيه
وأهم شيء المداومه وفرج الله عليكم
وعليكم السلام ورحمة الله وبركاته
كلموا جارتكم وخلوها تعلمكم بالشخص اللي معروف بالحسد وحاولوا تاخذون من اثره
كلموا جارتكم وخلوها تعلمكم بالشخص اللي معروف بالحسد وحاولوا تاخذون من اثره
الصفحة الأخيرة