ممكن رايكم حبايبي بموضوع خطبه

أهم شيء الدين والخلق واستخيري واتوكلي على الله

استخيرى والخيره فيما اختاره الله
ونصيحه لا تشاورين صديقاتك باللى يتقدمون لك اذا وافقتى عطيهم خبر
ومن رائي المدرس مافيها شى من احسن الوضايف يروح بدري ويرجع بدرى وراتبه زين
وش تبين احسن من كذا
والله يوفقك ويكتب الى فيه خيره لك

مافيه احسن من المدرس



الا تكون له اجازات مع الطلاب وتبسطين انتي وعيالك ويطلع من الدوام بدري ويصير فاضي لتمشي العصر ولا الليل


اجل تبغين موظف اجازه بالحسره ولا يطلع الا متاخر وتعبان ونفسه بخشمه ويمكن باقي اليوم يمكن يقضيه مع ربعه


ويكفي ان شاء الله انه بياخذ الماجستير ثم الدكتورااه وماراح يكون مدرس بس اقهري زميلااتك


ودام الاخلااااق كويسه خلااااص بس استخيري والشوفه الشرعيه والله يوفقك








بس اقولك المدرس له عيب وااااحد صغيرووون >>>انه يطلع بدري الظهر ويبغى الغدا بدري عكس الموظف يمديك تشبعين نووووم هع هع

حبيبتي اولا توكلي على الله وحده واستخيري وليس معنى الاستخارؤه انك تحسين بشيء اولا الاستخاره اذا في الامر خير بيتم وياخذ مجراه واذا فيه شر بيطلع شيء يوقفه


ثانيا اسألوا عن اخلاقه اهم شيء زززززززززين وصلاته وعن سهراته واصدقائه (قل لي من ترافق اقل لك من أنت ) يعني خلي احد من اهلك الرجال يسأل عن الاستراحه او المكان اللي يجتمعون فيه وش يسوون ويصلون اولا عشان ماتنصدمين في اخلاقه بعد الزواج



ثالثا سنه مناسب جدا وانا اؤيد الزواج من هذا السن بالعكس بيفهمك اكثر ان شاء الله اما اذا صار كبرك او مابينكم الاشوي بتصير افكاركم متقاربه وكل واحد بيعاند الثاني اما اذا كان بينكم مساافه في العمر 8 او 10 او15 سنه لايكون اكثر
كذا بتكون افكاركم متقاربه لكن بيكون عقلاني اكثر وبيكبر نفسه بافكاره


رابعا وظيفته بالعكس جدا جيده وحلوه اقل شيء راتبه يكون حلو ومترسم وكل سنه يزيد واذا تقاعد ماتشيلون هم العيشه والرزق بيد الله اكيد ,, وغير كذا إجازته مع الناس والعالم ولكم في الاجازه الصيفيه نصيب مو مثل العسكري او الدكتور كل شوي متصلين عليه ودوامات احيانا over واحيانا مرابطات ووظيفته مافيها لف ودوران
وعلى الاقل ان شاء الله الله يرزقكم عيال يدرسهم ويوقف معك وتستفيدين منه

طيب افرضي جاك واحد تاجر بس ما يعرف الباء من التاء وجااهل او واحد عسكري وماكمل تعليمه !!!!!

المدرس بالعكس الكل يتمناه واسمحي لي ( صديقاتك وحده منهم لو يجيها عريس مدرس مارفضته وماراح ترفضه الا كان فيه عيب ثاني باخلاقه او ,,,,الخ)

أنتي فكري بمصلحتك ماعليك من صديقاتك وتريقتهم صدقيني كلام اخت لك في الله !!

يمكن اخلاقه تكون زينه والتزامه ووظيفته وترفضينه بسبة صديقاتك وكلامهم ويعاقبك الله لاسمح الله بواحد يعقدك في الحياة


توكلي على اله واسألي مجربين الدكتور والعسكري صح انهم كويسه وظايفهم ورواتبهم عاليه بس لا اجازات زي الناس وكل شوي يذبون حريمهم عند اهلهم مرابطات احيانا يوم واحيانا ثلاثه ايام مايمديك تتهنين في بيتك الا ينحاس نظامك

والمستشفى دواامه يعقد اسأليني انا وحتى اللي في البنك الاربعاء والخميس مانتهنى مايجي الا 9 بالليل



طولت عليك بهذرتي لكن في مصلحتك انا ماوراي شيء من اني اقتعك والله يوفقك يارب ويكتب لك نصيب مع الصالح ويرزقك بالزوج الصالح والذريه الصالحه يارب

مافي احسن من المدرس
نصيحه خوذيه علم وصيت
وغير كذا المعلمين خلوقين صحيح
موكلهم بس لو سآلتي رح تتاكدي
وصحباتك غيرانات وماعليكي
تلاقي كل وحده راحت بيتهم وقالت ياليته متقدم لي هالمدرس
وانتي ماعليك بالمميزات بتتزوجين مميزاته
وعمر المدرس ماكان وعع (قم للمعلم وفه التبجيلا كاد المعلم ان يكون رسولا )
في احسن من هالمكانه
استخير ي والله معاك
والله يكتب لك اللي فيه الخير