ممكن راي سديد ونصيحه من الحكيمات

السلام عليكم حبيباتي
اول شي هذا المعرف مشترك بيني وبين صديقتي واختي واشكرها خلتني استخدم المعرف

بنات انا اليوم ترددت اكتب مشكلتي بس الي دفعني ان ماعتدي احد اخذ برايه

انا متزوجه من سنتين عندي بنوته مبسوطه بحياتي ومع زوجي بس فيه شوية مشاكل عاديه

السالفه كبرت اليوم بسبة انو خالتي عندها زواج قريب وجايه ديرتنا تجهز لزواجها ويبغوني اروح معاهم مع العلم انو انا في مدينه بعيده عنهم وماشوفهم الا من شهرين لشهرين



قلت لزوجي بروح معاهم انا وبنتي اغير جو قالي لا انا اخاف عليك صار نقاش بيني وبينه ع الرفض وبعدين عصب قالي ليش تبدين الناس علي وع راحتي انا مو راضي تروحين لو مع اخوك وامك وخواتك عادي بس غيرهم لا وقعدت احاول اقنعه قالي ليه ماتسمعين كلامي وكلام كثير وصار يقول اني ابدي وناستي واهلي عليه وطلع وهو زعلان وارسلي شيلي اغراضك وروحي معاهم ماعاد ابيك
المهم بعدين دق علي وصار يتكلم ويقول انا مورمقصر معاكي واي شي تبينه اجيبه لك ليش ماتدررين راحتي الحاصل انه بالاخير قالي ياتعقلين وتسمعين الكلام يا مع السلامه اول مره يقولي هالكلام انجرحت مره منه ادري اني غلطت لاني كبرت معه كلام بس جرحني وماعرف كيف اتصرف هل اسوي اللي قاله والم اغراضي وادق ع اخوي ياخذني ولا وش اسوي والله ماعتدي احد استيشره ومابي اهلي يدرون عن المشاكل وياخذون منه موقف


بس تعديل بسيط بنات انا المشكله الي بيننا مو بسبب الزواج نفسه بالعكس هو موافق لان بعد العريس يقرب له من بعيد هو مايبي اروح معاهم الاسواق واجهز معاهم
بس حبيت اوضح الامور والحمدلله انا الحين هديت وهو الله يهديه بعد ويحنن قلبه علي