ممكن شوي من وقتكم

مرحبا خواتي
انا حاليا في مرحلة التشطيب في بيتي وطلع بشكل عام حلو بس غلطت كم غلطه مخربه شكل البيت اول شي لون غرفة النوم الرئيسية موف ( بنفسجي فاتح ) معتق بورد صغير مفرق شكله حلو ولونه هادي بس غلطت في اني خشبت عمدان الجبس اللي في الغرفه واطراف حد الجبس اللي فوق بلون خشبي محروق وهو عباره عن صبغ الجبس بنوع من الصبغه يبين كأنه خشب وطلع شكل الغرفه مب راكب على بعض خصوصا الستاره احترت مادري اي لون اركب ستاره واشتري سرير لونه ابيض والا خشب محروق :(

ثاني شي مجلس الحريم عندي لونه بيج على ذهبي ومايل شوي على البني الفاتح لونه هادي وراقي بس بعد غلطت وشريت كنب لونه تقريبا نفس لون الصبغ مال التعتيق واحس اذا ركبت ستاره لونها بيج او ذهبي او بني بيكون شكلها كئيب وممل يعني بتصير الغرفه لونها واحد :icon33:

بالنسبه للمدخل لين اللحين حلو لونه تعتيق سكري بنفس تشكيلة عروق الرخام ومن فوق مربعات كبيره بالجبس عليها زخرفه بالورد لونها ذهبي اللحين انا محتاره الفراغ اللي داخل المربعات اصبغه بنفس لون الجدار والا اخليه ابيض شو رايكم ؟؟؟؟؟؟؟

خواتي لاتخلوني بروحي تراني محتارة وزوجي كله يقولي ماعرف مادري على راحتج ولا يتدخل باي شي وماعندي حد استشيره واهلي واهل زوجي مابغيهم يتدخلون لاني ابغيها مفاجأه وهم من النوع المتنقد يعني اذا شافو شي مب حلو بيقعدون ليش هذا كذا ولو سويتي ولو ووووووو :16: وبيطعون امية عيب :icon33: ارجوكم انقذوني