ممكن شوي نستفيد من خبراتكم في ((كيفية الإهتمام بالمنطقه بعد الخياطه))

هلا والله

الله يهون عليك وعلي وعلى كل مسلمه

اهم شي للخياطه التشطيف بمويه وملح بس ما تكثرين ملح علشان كثرته مضره وتقطع الخيوط وبعد المره كويسه بس انا ما اغسلها بها كثير , وعليك بالارطا ما ادري لها اسم ثاني المهم تشطفين بها زيييين لانها زينه مرررررررره تخيط وتشد المنطقه..

ونسيت حاجه مرهم ميبو حلووو مررره

اختي الغالية انا ولدت ولله الحمد طبيعي وطبعا جربت الخياطة عشان كذا انصحك وكل الاخوات انهن يهتمون بغسيل
المنطقة المخاطة جيدا والالتزام بشكل يومي عشان ماتتعرض المنطقة لا قدر الله للالتهابات المؤلمة

ولازم تحرصين انك تاخذين موية دافية ممزوجة بملح وتجلسين فيها مدة عشر دقايق لانها ممتازة للخياطة والتخفيف من الم الخياطة وبعد كذا ممكن تغتسلين بموية ومعاها ديتول لانه مطهر فعال في تطهير المنطقة من المكروبات

ماراح ينتهي الاسبوع بعد الولادة والخياطة الا انت مثل الحصان هذا الي عندي اتمنى لك وللاخوات دوام الصحة والعافية

سمعت عن الخوا جوا مع زيت الزيتون لكن مادري كيف طريقته ان شا الله البنات ما يقصرون


والاخت سمسومه كيف يستخدم المرهم
يعني بعد كل مرة ندخل فيها الحمام وانتو بكرامه والا مرات معدودة في اليوم

أهم شيء للخياطه تغيير الملابس الداخليه بإستمرار ومحاولة تهوية المنطقه بين حين وآخر

ماقد جربت إلا التشطيف بالبيتادين مطهر رائع ثم تنشفين المكان بالمنديل بالربت عليه بخفه ثم مرهم ميبو في الأيام الأولى بعد كل تشطيف مره حلو يرطب المكان ..

مراعاة عدم الضحك أو الكلام أو المشي بقوة الله يعينا بس طبعا هذا في الايام الاولى حتى يلتأم الجرح زين ..

صراحه انا عانيت من الملح والمره بشكل ماتتخيلينه لانه خلى المنطقه الحساسه تتقشر والم الله لا يذوقه لاحد نصيحه دام فيه خيوط استخدمي ايشي طبي مثل غسول اسأليالدكتوره عنه والكريم ميبو وبعد اسبوع استجدمي اللي تبينه