ممكن طريقة طبخ الجريش والحسو(أتمنى انكم ما تطنشوني)

السلام شوفي يا أختي أنا بأقولك طريقتي في الجريش
المقادير :كأس جريش ونصف كأس رز مصري وزبدة ربع تقريبا وبصل
أول شي تضعين البصل مع الزبدة وشوي بهارات وملح وماجي أبيض مو المكعبات
ثم تضعين الجريش بعد غسله جيداً ثم تضعين عليه ماء حار تقريبا خمس كاسات أوأقل وتضعين لبن نصف كأس وفلفل حار مو الأسود الفلفل إلي يكون عدل مو مطحون
وإذا غلا على النار دخليه الفرن من تحت الى أن ينضج تقريبا ساعة ونصف مع تحريكه كل ربع ساعة . وإذا أستوى وصار ثقيل شوي صبي غليه لبن واستمري في التحريك الى أن يقول لك ارحيني
وبعدين صلحي كشنة من بصل بهارات وملح ضعيه فوقه بعد أن تضعيه في الصحن
وبالعافية ......
ادعي لي بالذرية الصالحة

ينقل من الساخنه لاطباق عالم حواء

السلام عليكم جزاكن الله كل خير أخواتي على أهتمامكن وردكن على موضوعي

السلام عليكم
اختي العزيزة الله يهون عليك وتولدين بالسلامة
طريقة عمل الجريش على الطريقة الكويتية
المقادير
3 بصل متوسط الحجم
3 فصوص ثوم
1 دجاج ( مقطع الى نصفين)
قليل من الكركم, فلفل اسود, كزبرة , لومي اسود
كوب من الطماط المبشور ( الطرف الصغير
ماء
كوب ونصف من الجريش
معجون طماط ( كميته حسب رغبتك)
ملح
الطريقة
-انقعي الجريش بالماء الى ان يكبر بالحجم( ساعتين او اكثر )
-افرمي البصل ثم احمسيه بالزيت واضيفي عليه الثوم
-اضيفي قطع الدجاج وحمريه بالزيت ثم اضيفي البهارات
-اضيفي الطماط المبشور
-اضيفي الماء ودعي الدجاج يطبخ قليلا
-ارفعي الدجاج من الماء وشيلي عنه العظم وبعدين رجعيه الى القدر
-اضيفي معجون الطماط ثم اضيفي الجريش والماء لازم يغطي الجريش
-ضعي الملح على حسب رغبتك
-عندما يبدا بالغليان خففي درجة الحرارة وضعي موزع الحرارة تحت القدر الى ان يستوي تماما
-بعدها قومي بضرب الجريش بالمضرب الخشبي و اعملي حشوة وهي عبارة عن بصل شرائح طولية تحمرينها بالزيت وتضيفين عليه كشمش (زبيب) وشوي لومي اسود وعليك بالعافية

لسلام عليكم ورحمة الله وبركاته
الله يهون عليك وتولدين بالسلامه بس لا تاكلين الجريش في نفاسك ..
المقادير :.
خمس بصلات مقطعه
علبة جريش ((المقياس علبة حليب اطفال ))
نصف العلبه رز مصري ((المقياس علبة حليب الاطفال ))
حليب السعوديه علبه كامله ((لتر))
لبن المراعي ((نصف العلبه ))
ليمون
ماجي ابيض
علبة زبادي
ملح
زبده كامله
اجنحه دجاجة ((لأكسابه مذاق رائع ))
كمون
فلفل حار طازج
الطريقه :.نضع الزبده على النار ونضيف البصل ونقلبه جيدا بعدين نضيف الرز والجريش ونقلبه شوي ثم نضيف ماء حار لين يغطيه ونضيف ملعقة ماجي ابيض وملح حسب الرغبة ((ملعقة طعام ))بعدين نخليه يغلي شوي ثم نضيف الحليب واللبن ثم نغطيه واذا بدء بالغليان تضيف ملعقة كمون على الوجه ونضع حبات الفلفل ونغطيه ونحطه على نار مره خفيفه ونخليه يطبخ لمدة اربع ساعات وممكن اذا حسيت انه ثقيل شوي اضيف اليه مويه بس اهم شيء اذا تبينه يجي مره حلو((((( لا تحركينه ))))الى اذا استوى وبعدين تاخذين عصير ليمونه وعلبة زبادي وتشيلين الجريش من على النار ونضيفيتهم وتحركيه زين وبس .