ممكن طلب مستعجل <كريمه كرميل في الفرن>

اختي اذا انتي تقصدين الكريم كراميل
بقول لك طريقتي
أذوب حوالي 6 فناجين سكر على النار وبعدين احطهم بالصينيه اللي بخبزها بالفرن
اجيب لتر حليب+من خمس الى ست بيضات حسب حجم البيض.واخلط بيضه بيضه بالحليب الى ان تختفي ثم اضيف اختها <<<فاشله بالشرررح هههههههههه
الاضافات:
تقدرين تضيفين جبن سايل وتخلطين
تقدرين تضيفين فانيلا
تقدرين تضيفين خبز توست تكوني منقعته بشوي ماي وتخلطينه مع الخليط
تقدرين تضيفين هيل وزعفران
انتي اختاري الاختيار اللي تحبينه
وبعدين اختي صبيه فوق الكراميل وحطي قالب الكريم كراميل بقالب اكبر منه وفيه ماي حار لثلثه(لتسريع استوائه)وتخلينه بالفرن لمده 30 الى 40 دقيقه
طبعا يكون مغطى بقصدير
طلعيه من الفرن وخليه يبرد شوي برى وبعدين حطيه بالثلاجه اقل شي اربع ساعات
قطعيه وقدميه
وتقدرين تسوينه بصحون صغار قابله للدخول بالفرن عشان يكون اسهل لك بالتقديم بس تقلبينه بالصحن
ادري الشرح طويل
بس الطريقه سهله
وبالعافيه
دعواتك لي بالذريه الصالحه
اختك/نج نج