ممكن كل واحدة تقول لنا تجربتها مع الحفاضات وأيها افضل؟

السلام عليكم اخواتى

فكرت نعمل موضوع عن الحفاضات عشان نستفيد من تجارب بعض بدل ما نفضل نجرب كل الانواع عالفاضى

انا عن نفسى اول ما بنتى اتولدت استخدت البامبرز وعجبنى جدا بس كان عيبه ان اصغر مقاس كان كبير عليها عشان كانت صغيرة جدا( 2400 جرام) عشان كدة كان بيسرب البلل بس استمريت عليه اسبوعين وبعدين واحدة صحبتى نصحتنى ببيبى جوى قالت ممتاز واحلى من البامبرز المهم جبته بس الحمدلله جبت عبوة صغيرة للتجربة وبصراحة طلع فظييييييييييع أولا خشن الملمس ثانيا يسرب البلل بسرعة يعنى لو خارجة برة البيت مستحيل ينفع لإنه فضيحة هههههههه وثالثا عريض من منطقة بين الفخذين مش زى البامبرز وبصراحة خفت ليعمل لبنتى تقوس
ومن يومها رجعت للبامبرز تانى وخفت اجرب اى نوع اخر والحمد لله بدأ اصغر مقاس يناسب بنتى عشان كبرت شوية

ياريت كل واحدة تقول لنا اى نوع تستعمل وما هى مميزاته وتقول لنا جربت ايه الاول وماذا كانت عيوبه ؟ عشان كلنا نسفيد

ارجو التفاعل