هلا حبيبتي والله كلامك صح بس لايهمك الي ينكتب او الي ينقال صدقيني عشان الموضوع هذا حساس بالنسبه لك تتحسسين من اي كلمه بالعكس لاتهتمين خذي الي يفيدك وسيبي الباقي وخلي املك بالله كبير صدقيني ربي انشالله بيرزقنابالذريه الصالحه يارب ويمكن التاخير فيه خيره لنا(وعسى ان تكرهوا شيئا وهو خيرا لكم)ويمكن هذا اختبار من ربي عشان يشوف مدى تصبرنا ورضانا بالمقدر والمكتوب
هذا وانتي صارلك سنتين كيف لو لك4سنين مثلي وجربت فرحه الحمل وخبرت اهلي واقاربي وكل الي حولي والجوال مايوقف من التهاني ورحت للدكتوره وسوتلي اشعه للبيبي في بطني وعطتني صورة الاشعه وفجاه...
ينزل استغفرالله العظيم المفروض ماقول كذه لانه يعتبراعتراض لقدر ربي بس والله ابي افضفض ربي يعوضني انشالله ويرزقني ويرزقك ويرزق كل وحده تبي عيال<<<ها كذه تبين ندعي احسن؟

الحمدلله ما استخدم هالكلمات ....واحب اكون متفائله على طوووول ...

ليش نعيش بهم وكدر ...لو ايش نسوي بحياتنا ماراح ناخذ غير رزقنا من هالدنيا ...فليش ما نرضى بالمكتوب....

اجري جري الوحوش غير رزقك ما تحوش....:7_5_131:


صحيح شفقانين على طفل يكون فلذة كبدنا...لكن الحمدلله على كل حال...الحمدلله على حياتنا الحين بدون عيال والحمدلله على حياتنا اذا فيها عيال... :39:

واكيد دايما الخيرة فيما اختاره الله.....

فما في داعي ان نهلك انفسنا ونضيع عمرنا بالتفكير وهمه؟؟؟ :(

ترى التفكير والهم يكبر الوحده منا وتعجز قبل يومها ..... :28:

عادي عيشي حياتك ...عروس

وحبيبتي القطوه كلامج صح 100 % ....تسلمين حبيبتي...

وانا ادعو كل وحده الله ما كتب لها الحمل ....انها تقوي عزمها بالله وتشيل الموضوع من راسها ترى والله بترتاحين وعيشي حياتك عادي

...واذا سمعتي كلمه ولا نغزه من هني ولا هني...طنشي يا شييييييييييييييخ اصلا هم الناس عندهم شي غير الكلام !!!

خلهم يتكلمووون لحد ما يعجزوون ...وانا وش علي؟؟؟

كلامهم لا بيخليني احمل ولا بيمنع الحمل .... المهم اعيش مرتاحه ... ومريحه زوجي... ومرتاحه معاه...

هذا اللي عندي..اتمنى ما اكون طولت بالرد ..بس حسيت بالسعاده وانا اكتب...

وان شاء الله ربي يرزقنا جميعا ...كلنااااااااا ...قريب ان شاء الله ...واشوف كل وحده عندها >>>>>>> اميييييييييييييييييييين يااارب العالميييييييييييييييين

اختكم العروس عنادي ^___^

أنا لي تسع سنوات ما حملت أختي .. متصورة سنوات حلوة تمر من حياتي بدون ما أشوف عيالي جدامي .. العمر يمر أختي ... و الحرمة ما تقدر على الإنجاب يوم تتعدى عمر معين .. أنا أحس إني محرومة من الذرية .. مش معناها إني محرومة من كل النعم .. لا .. الله منعم علينا ليل و نهار .. بس لا تنسين إن الحرمة تشتاق للأمومة .. الله لا يبتليج كل ما تكبرين في العمر .. إحساسج بالحرمان يزيد .. صحيح أنا مش كبيرة في العمر .. لأني متزوجة و أنا صغيرة .. بس اللي ينتظر واااااايد ترى يتعب نفسياً - مرات كثيرة - و يحن للأمومة بشكل جنوني ..

مشكوررررين كل إللي ردوا ...حبيبتي بنت مجرن...الله يرزقج بالذريه الصالحه و يعوض صبرج خير عااااااجلا يا رب العالمين...اختي...انا ما اتكلم عن نفسي إني انا اتضايق لنفسي فقط! ....انا اتضايق عشااااان البنااات..احلى لو ما نقول محرومين..انا اريد رايج بنت مجرن..سااااااامحوني

يا الله اختي .. ما بنقول محرومات .. بنقول اللي ما عندهم عيال ؟؟؟؟ .. في النهاية المعنى واحد ..
أختي أنا مب متشائمة .. بل بالعكس أنا قوية و متماسكة .. بس هذا الواقع ..
اللهم ارزقني و ارزق أخواتي اللي مشتاقات للأمومة الذرية الصالحة .. عاجلاً غير آجل ..