ممكن لو تتكرمون تساعدوني في تصميم ملحق او بيت اصغير

السلام عليكم ورحمة الله وبركاته

خواتي طلبتكم وياريت انكم ما تردوني خايبه

يا طويلات العمر زوجي شرى ارض وهالارض ما تتملك الا اذا بنينا عليها وعمي ابو زوجي اتصل علينا وقال لازم تبنون على الارض او يسحبونها وما تتم البيعه ( انا وزوجي مسافرين فالغربه لمدة سنه ) والمشكله ان ما نعرف شو نبني عليه انا قلت لزوجي انسويلنا ملحق صغير ولما نرد نسكن فيه لان الفلا طبعا ما نقدر نبنيها وحناتونا مب امكونين عمارنا يعني يبغيلنا كمن سنه لين مانفكر نبني فيلا ....

فقالي زوجي قولي كيف نبني الملحق اصلا نحنا ماعدنا خبره بهالمواضيع وانا قلت بكتب لكم عشان تساعدوني ..يعني انا ابغي الملحق يكون فيه مطبخ +صاله +غرفتين اوثلاث+الحمامات اكرمكم الله


فياريت اذا عدكم مخطط او تصميم حلو اتخبروني عنه سواء بالصور او الوصف

لاني ابغي اطرش التصميم حق عمي عشان يبدى في بنى الملحق

ارجوكم ياريت ماتقصرون وياي

وجزاكم الله خير