ممكن مراكز ترجمة بالطائف

فيه ياماجنتا محل اسمه حاسباتنا بس مو معتمد اكاديميا والصفحة بعشرين ريال وبصراحة مو متاكده من ترجمتهم لاني قبل شوية لقيتهم بس نقول ان شاء الله كويسين وتلاقينه في اسواق سارة العنقري تبعت الكمبيوترات<<< بعد اربع ساعات بحث في شوارع الطائف لو رايحة المدينة يمديني ترجمت ورجعت .. بس ابغى اوفر التعب على اللي لسه مادوروا..

على فكرة شفت ترجمتهم مش ممتازة بس مو بطالين يعني ممكن الواحد يستفيد منهم بس في الابحاث الاكاديمية شفت ماعندهم خبرة عن طريقة كتابتها .. همه بس يترجموا اللي قدامهم وخلاص ماينصحوكي ويقولوا لك كيف البحث المفروض يتعمل على مستوى الجامعات .. ومايسوا لك كمنت ولا شيء بس ترجمة وخلاص ...

انتي تسألين وتجاوبين؟
انا اعرف ترجمة في مكتبة الدار السعودي والمكتبه العربيه(الثنتين جنب بعض)بس ماادري وش مستوى الترجمه؟
الله يوفقك ويسهل امورك:)

لا انا حطيت السؤال ومحد جاوب فاضطريت اني اروح الف الطائف لف ولما رجعت كتبت الاجابة عشان غيري يستفيد
عموما شكرا على الاجابة بس ماتعرفي بكم ترجمتهم ؟