ممكن مساعدة

الله يفرج لك ..حبيت ارفع لك الموضوع .

حبيبتي والله هذا المنتدى فيه بنات فيهم خير


اي شي اطرحيه هنا والبنات كل وحده بتطرح لك حل من واقع تجربتها في الحياه

وانتي تعملين بالحل اليناسبك


والله يفرج لك همك

أختي ارسلت لك على الخاص رقم لسيدة تستطيع مساعدتك بإذن الله

الله يجزاكم خير جميعا خاصة أنت يانوال لكن أنا في الرياض ومكتب الاستشارات دقيت عليهم صار بجدة وقالوا لي الاستشارة عن طريق الهاتف وأنا لوكلمتهم بجلس أبكي ساعة وماراح يسمعون من كلامي شي :44:
بعرض عليكم جزء من مشكلتي وأنا أدري أني لن أعدم مساعدتكم
أنا زوجي مريض نفسيا وحول حياتي وحياة عيالي لجحيم وأنا موظفة وراتبي كبير الحمدلله لكن لاتقولون اتركيه وروحي لأهلك لأني جربت وياليتني ماجربت كانت أمي كل شوي تهددني وتقول برميك أنت وعيالك بالشارع حتى عيالي تعبت نفسياتهم ويسألوني :ليه جدة كذا ياماما !
لاتقولون اطلعي في بيت لحالك أخواني متخلفين ويرفضون أعيش في بيت لحالي
لاتقولون روحي لطبيب نفسي والله العظيم رحت لطبيب نفسي مشهور ولحيته ماشاء الله قلت كويس هذا من أهل الدين وسأطمئن له
أقسم لكم بالله كانت كل جلساته معي يتكلم في الجنس والله قرفت منه وتركته
لاتقولون جربي غيره جربت وكلهم يوصفون لي الحبوب أشكال وألوان وما أستفدت شي
أنا فاقدة الثقة في نفسي تماما مع أن الناس تقول عني حلوة وبعضهم والله يخطبوني يتوقعون أني ماتزوجت
وأنا في وظيفة قيادية والكل يشهد لي بالنجاح بس والله ماحسيت بطعم النجاح ولا السعادة أرجوكم ساعدوني :44:

أسومه لاتلجين للناس


حبيبتي لجاتي للناس وتدورين تائيه من هنا ومن هنا


ونسيت رب العباد



والله ثم والله يالغاليه انك اذا لجاتي لرب العباد والله مايخيب رجائك

مثل ماتقولين انك الحمد الله موظفه وشايله حالك <<الحمد الله ربي ميسر حالك ومنتيب بحاجه لعازه أحد من خلقه لا امك ولا اخوانك



شوفي ياقلبي البيوت مليانه مشاكل وكل بيت مشاكله قد الدنيا

وحده من صحباتي اعرفها معرفه كبيره والله لا اهلها ولا اهل زوجها فيهم خير دايم مشاكل

وزوجها مو مقصر معها في زياده المشاكل من ضرب وشك وهي بعازته مو موظفه ولاشي

في البيت تحت رحمت رب العالمين بعد رحمته

والله العظيم ماكذب عليك اول كانت تشتكي وتبكي


في الاخير انا قلت لها الوحده صحيح تشتكي وتفضفض للناس ترتاح بس جربي انك تصلين ركعتين لرب العالمين وترفعين يدينك لربك وتشتكين له حالك وابكي بحراره قلبك

وادعي ربك يفرج همك


والله من اول صلاه انك ترتاحين نفسيا وادعي ان ربي يخلي عيالك ويكبرهم ويعينونك


الاستغفار الاستغفار فوائده عظيمه

خليه دايم لسانك رطب بذكر الله والاستغفار

علمي عيالك انهم يستغفرون ليل ونهار


والله في مده قصيره يتبدل حالك من حال الى حال


صديقتي يوم مشت على نفس الكلام والله العظيم كم سنه بس ولدها صار في ثالث متوسط حن على امه امه تسوى الدنيا ومافيها عنده

مع دراسته ربي فتحها في وجهه وحصل اكثر من وظيفه في هالزمن المافيه وظايف

وكل وحده افضل من الثانيه <<طبعا دوام عصر بعد المدرسه

وزوجها تغير 190 درجه بدل ماهو كان عاطل حصل وظيفه شفتات يضيع يومه كله يجي مشتاق لها ولولدها يعطيها كم كلمه حلوه وينوم ويصحى اليوم الثاني لدوامه


ودايم يدعي اني ربي يخليها له وحس بمعناته اول


والله انها تقول يايرقه ماتتخيلن اني كنت اول اتمنى له الموت عشان ارتاح

الحين اتمنى ان الله يطول في عمره ويخليه لنا والله اني اشتاقله اذا طلع وانتظره بفارغ الصبر

واخاف يصير عليه شي وهو برا البيت





استغفري ربك الاستغفار الله الله بالاستغفار


ماعظم الاستغفار وماعظم فوائده