ماشاء الله عليكى ياأختى 00 جزاكى الله خير على شرحك 000 وانتى ياهايدى الخليج 00 شدى حيلك واعمليه وفرجينا 000 واحنا فى انتظار ابداعك 0000000
الصفحة الأخيرة
هلا في السطر الثاني من الزخرفة يفترض انك تغيري اللون
ما راح نقطع الخيط لا لانه حنحتاجه مباشرة في السطر يلي وراه لانه الشغل بالالوان هنا تبادلي
طيب شلون تشبكي
تجيبي خيط اللون الثاني وتربطه بشكل عقدة البدء يلي بنعملها اول مرة لما نشتغل بالسنارة هلا لما تيجي لعمل المنزلقة في السطر الاول من الزخرفة ما بتسحبي خيط من اللون القديم وانما بتدخلي الحلقة يلي عملتيها من اللون الجديد
سطر الزخرفة الثاني شبيه بالاول لكن معكوس
راح تصعدي سلسلة وحدة بس وفوق غرزة الحشو بتاعت السطر السابق تحطي الخمس عمدان وفوق العمود الثالث من السطر السابق تحطي الحشو وهكذا
لاحظي ان سطر الزخرفة الاول هو نفسه حيكون الثالث والسابع وهكذا بينما سطر الزخرفة الثاني هو نفسه الرابع والسادس
انتي حتتغير الالوان والعمل كل سطر
لكن لا تقطعي الخيط ابدا ... اسحبي اللون يلي بدك اياه لكن من الداخل
الحكي ممكن ما يكون واضح هيك لكن لما بتشغلي ان شاء الله حتفهمي علي
اخر سطرين حتطلعي ثلاث سلاسل وتشتغلي فوق كل غرزة عمود ثم تغلقي بمنزلقه
يلي وراه حنشتغل غرز مربع مخرمه
تطلعي اربع سلاسل وبعدين تتركي غرزة ثم عمود في اللي وراها ثم سلسلة وتتركي غرزة ثم عمود في اللي وراها وهكذا اغلقي بمنزلقه وكمان منزلقه
السطر الاخير هلا انتي فوق السلسلة تطلعي 3 سلاسل وبعدين 4 اعمدة في نفس المكان اتركي العمود من السطر السابق وحطي خمس عمدان فوق كل سلسلة للاخير ثم اغلقي بمنزلقه
لا تنسي هالكفر بده حزام ابسط شي خدي الخيطين يلي اشتغلتي فيهم سوا واعملي منهم سلسله ممكن اطرافها تكون وردة صغيرة
ان شاء الله يكون الشرح واضح
اسفه لاني مستعجلة حتى ما قرات يلي كتبته
نشف ريقي
هلا صار لازم قوم بكره بحدود الساعة ستة ان شاء الله بتواجد